جەزقازعان قالاسىنىڭ اكىمشىلىك قۇقىق بۇزۋشىلىقتار جونىندەگى مامانداندىرىلعان سوتى 2024 جىلدىڭ 12 قىركۇيەگىندە قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 453-بابىنىڭ 2-بولىگىنە سايكەس، ازامات «س» ءدىني ارازدىقتى قوزدىراتىن ماتەريالداردى الەۋمەتتىك جەلىدە جاريالاعانى ءۇشىن اكىمشىلىك جاۋاپكەرشىلىككە تارتتى.
سوت وتىرىسىندا انىقتالعانداي، ازامات «س» ءوزىنىڭ «ۆكونتاكتە» الەۋمەتتىك جەلىسىندەگى جەكە پاراقشاسىندا نازراتۋللاح ابۋ ماريامنىڭ «مۋحاممەد بين ابۋ ال-ۆاحاببتىڭ تري وسنوۆى» كىتابىن ورنالاستىرعان.
بۇل كىتاپ 2014 جىلى ەكسترەميستىك دەپ تانىلىپ، قازاقستان اۋماعىندا تىيىم سالىنعان. الايدا، ازامات «س» مۇنداي ماتەريالداردىڭ تىيىم سالىنعانى تۋرالى بىلمەگەنىن مويىنداپ، جاساعان ارەكەتىنە وكىنىش ءبىلدىردى.
سوت تاراپىنان ازاماتتىڭ كىناسىن مويىنداۋى مەن وكىنۋى جاۋاپتىلىعىن جەڭىلدەتەتىن ءمان-جايرەتىندە قارالدى، جاۋاپتىلىقتى اۋىرلاتاتىن ءمان-جايلار انىقتالمادى.
سوت ازامات «س»-نى كىنالى دەپ تانىپ، وعان 73 840 تەڭگە كولەمىندە ايىپپۇل تاعايىندادى، سونداي-اق زاڭسىز جاريالانعان ماسس-مەديا ءونىمى تاركىلەندى.
سوت قاۋلىسى زاڭدى كۇشىنە ەندى.
