ءيزرايلدىڭ بۇرىنعى قورعانىس ءمينيسترى موشە ياالون ءوز ەلىن گازا سەكتورىندا اسكەري قىلمىستار مەن ەتنيكالىق تازارتۋلار جاسادى دەپ ايىپتادى. بۇل تۋرالى NBC News باسىلىمى جاريالادى، دەپ حابارلايدى “ادىرنا” ۇلتتىق پورتالى.
اقپاراتقا سايكەس، موشە ياالون Reshet Bet راديوسىنا بەرگەن سۇحباتىندا يزرايل ۇكىمەتى يزرايل قورعانىس كۇشتەرى ساربازدارىنىڭ ومىرىنە قاۋىپ توندىرگەنىن ايتتى.
“مەن گازانىڭ سولتۇستىگىندە قىزمەت ەتەتىن قولباسشىلار اتىنان سويلەپ تۇرمىن. ول جەردە ۇلكەن قىلمىستار جاسالىپ جاتىر”، — دەدى موشە ياالون.
ال نەتانياحۋدىڭ وداقتاستارى موشە ياالوننىڭ سوزدەرىن جوققا شىعاردى.
2005 جىلى اياقتالعان ەكىنشى ينتيفادا نەمەسە پالەستينالىقتاردىڭ يزرايل باسقىنشىلىعىنا قارسى «كوتەرىلىسىندە» ياالون يزرايل قورعانىس كۇشتەرىنىڭ شتاب باستىعى بولعانى بەلگىلى. ول سونداي-اق 2013-2016 جىلدارى يزرايل قورعانىس ءمينيسترى قىزمەتىن اتقاردى.
ەسكە سالساق، تاياۋدا عانا گااگاداعى حالىقارالىق قىلمىستىق سوت يزرايل پرەمەر-ءمينيسترى ۆەنيامين نەتانياحۋدى قاماۋعا سانكتسيا بەرگەن. ال يزرايل حالىقارالىق قىلمىستىق سوت شەشىمىنە قارسى شاعىم تۇسىرگەن. يزرايل اسكەرىنىڭ بىلتىرعى قازان ايىنان بەرگى گازا سەكتورىنداعى ارەكەتى كەزىندە كەم دەگەندە 3 مىڭنان اسا پالەستينالىق قازا تاپتى دەپ ەسەپتەلەدى. يزرايل اسكەرىنىڭ شىعىنى جۇزدەپ سانالادى.
