اقش-تىڭ جاڭادان سايلانعان پرەزيدەنتى دونالد ترامپ فەدەرالدىق تەرگەۋ بيۋروسىنىڭ (فبر) ديرەكتورى قىزمەتىنە كەڭەسشىسى كەش پاتەلدى ۇسىندى، دەپ حابارلايدى "ادىرنا" ۇلتتىق پورتالى New York Post-قا سىلتەمە جاساپ.
بۇل تۋرالى ترامپ Truth Social الەۋمەتتىك جەلىسىندە جازدى.
"مەن كەشياپ 'كەش' پاتەلدىڭ فەدەرالدىق تەرگەۋ بيۋروسىنىڭ كەلەسى ديرەكتورى بولاتىنىن ماقتانىشپەن جاريالايمىن", – دەپ جازدى ترامپ. سونداي-اق ول پاتەلدى "كورنەكتى زاڭگەر" دەپ اتاپ ءوتتى.
كەش پاتەل – اقش قورعانىس ءمينيسترىنىڭ بۇرىنعى شتاب باستىعى، ۇندىلىك يمميگرانتتاردىڭ ۇلى. 44 جاستاعى پاتەل ترامپتىڭ العاشقى اكىمشىلىگىندە ۇلتتىق بارلاۋ ديرەكتورىنىڭ كەڭەسشىسى جانە پەنتاگون باسشىسىنىڭ شتاب باستىعى قىزمەتتەرىن اتقارعان.
ترامپتىڭ ايتۋىنشا، جاڭا فتب باسشىسى كەزىندە "امەريكاداعى قىلمىس ەپيدەمياسىنا نۇكتە قويىلادى". سونداي-اق ول پاتەلدىڭ "ميگرانتتار قىلمىستىق توپتارىن جويىپ، ادام ساۋداسى مەن ەسىرتكى اينالىمى سياقتى شەكارالىق زۇلىمدىقتارعا توقتاۋ سالاتىنىنا" ءۇمىت ارتىپ وتىر.
ەندى پاتەلدىڭ كانديداتۋراسىن سەنات قاراستىرىپ، بەكىتۋى كەرەك. ەگەر ول ماقۇلدانسا، پاتەل 2017 جىلى ون جىل مەرزىمگە ترامپ تاعايىنداعان كريستوفەر رەيدىڭ ورنىنا فەدەرالدىق تەرگەۋ بيۋروسىنىڭ باسشىسى لاۋازىمىن يەلەنەدى.
