AQSh-tyń jańadan saılanǵan prezıdenti Donald Tramp Federaldyq tergeý bıýrosynyń (FBR) dırektory qyzmetine keńesshisi Kesh Pateldi usyndy, dep habarlaıdy "Adyrna" ulttyq portaly New York Post-qa silteme jasap.
Bul týraly Tramp Truth Social áleýmettik jelisinde jazdy.
"Men Keshıap 'Kesh' Pateldiń Federaldyq tergeý bıýrosynyń kelesi dırektory bolatynyn maqtanyshpen jarııalaımyn", – dep jazdy Tramp. Sondaı-aq ol Pateldi "kórnekti zańger" dep atap ótti.
Kesh Patel – AQSh Qorǵanys mınıstriniń burynǵy shtab bastyǵy, úndilik ımmıgranttardyń uly. 44 jastaǵy Patel Tramptyń alǵashqy ákimshiliginde Ulttyq barlaý dırektorynyń keńesshisi jáne Pentagon basshysynyń shtab bastyǵy qyzmetterin atqarǵan.
Tramptyń aıtýynsha, jańa FTB basshysy kezinde "Amerıkadaǵy qylmys epıdemııasyna núkte qoıylady". Sondaı-aq ol Pateldiń "mıgranttar qylmystyq toptaryn joıyp, adam saýdasy men esirtki aınalymy sııaqty shekaralyq zulymdyqtarǵa toqtaý salatynyna" úmit artyp otyr.
Endi Pateldiń kandıdatýrasyn Senat qarastyryp, bekitýi kerek. Eger ol maquldansa, Patel 2017 jyly on jyl merzimge Tramp taǵaıyndaǵan Krıstofer Reıdiń ornyna Federaldyq tergeý bıýrosynyń basshysy laýazymyn ıelenedi.
