بۇگىن ەلىمىزگە تانىمال سازگەر مۇحيت قاسقىرباەۆ 63 جاسىندا دۇنيەدەن وزدى، دەپ حابارلايدى “ادىرنا” ۇلتتىق پورتالى.
مۇحيت قاسقىرباەۆقازاقستاننىڭ حالىق ءارتيسى ماقپال ءجۇنىسوۆانىڭ ەكىنشى تىنىسىن اشىپ، باسىنا تۇسكەن قايعىلى جاعدايدان كەيىن ەسىن جيناپ، كيەلى ساحناعا قايتا ورالۋىنا سەبەپكەر بولعان سازگەر. انشىگە «قازاقتىڭ ەركە قىزىمىن»، «مەن انامىن» دەگەن اندەردى جازعان بولاتىن.
مۇحيت قاسقىرباەۆ 1961 جىلى شىمكەنت قالاسىندا ومىرگە كەلگەن. 11 جىلدىق مەكتەپتى سپاتاەۆ اتىنداعى №7 مەكتەپ-ليتسەيىندە ءتامامداپ، كەيىن وڭتۇستىك ساز كوللەدجىن بىتىرگەن. قازىرگى تاڭدا جۇبايى، 2 ۇلى مەن 3 نەمەرەسى بار.
ول ماقپال ءجۇنىسوۆادان بولەك، داۋرەن سەيىتجانوۆتىڭ تاعدىرىنان سىر شەرتكەن «اق قايىڭ» مەن «قايران ءومىر»، ءار مەرەكەدە تۇساۋكەسەر انگە اينالعان «جىگىتتەر» كۆارتەتىنىڭ «مەرەكە» سىندى حالىققا تانىمال ءبىراز اندەردىڭ اۆتورى.
