وسكەمەندە ءبىر توپ ريددەرلىك بەلسەندىلەر ەكولوگيا تاقىرىبىندا اكتسيا وتكىزدى. بۇل تۋرالى Orda.kzسايتى جاريالادى، دەپ حابارلايدى “ادىرنا” ۇلتتىق پورتالى.
اقپاراتقا سايكەس، حالىق شىعىس قازاقستان وبلىسىنداعى قورشاعان ورتانىڭ لاستانۋى، ونىڭ ىشىندە وزەندەردىڭ جۇيەلى لاستانۋى، توپىراقتىڭ ۋلانۋى، سونداي-اق اتموسفەراعا تۇراقتى شىعارىندىلار ماسەلەسىنە جۇرتشىلىق پەن بيلىك وكىلدەرىنىڭ نازارىن اۋدارۋدى ۇيعاردى.
ميتينگكە قاتىسۋشىلار رەسمي دەرەكتەرگە سەنىمسىزدىك تانىتىپ، بيلىكتەن اشىق مالىمدەمەلەرگە جاۋاپ بەرۋدى تالاپ ەتتى.
ولار باسقا ادامداردى بەلسەندى بولۋعا شاقىردى.
«وسكەمەننىڭ ەكولوگيالىق جاعدايى وتە ناشار – اۋرۋ كوپ... ميتينگىلەرگە قاتىسۋلارىڭىزدى سۇرايمىن. ويىڭىزدى ايتۋدان قورىقپاڭىز. بۇل كونستيتۋتسيا بويىنشا ءبىزدىڭ قۇقىعىمىز. ءوز قۇقىقتارىڭىزدى قالاي قورعاۋ كەرەكتىگىن ءبىلىڭىز. ەكولوگيا – ءبىزدىڭ ءومىرىمىز، ول – ۇرپاق بولاشاعىمىز. ال قالامىزدىڭ جانە شىعىسقازاقستاندىقتاردىڭ دەنساۋلىعى وسىعان بايلانىستى. ءبىزدىڭ ەكولوگيالىق جاعدايىمىزدى گەنوتسيد دەپ تانۋعا بولادى. جاي قاراماڭىزدار»، - دەپ ءوتىنىش ءبىلدىردى ازاماتتىق بەلسەندى ايدار بايساعاتوۆ.
