الماتىدا تەپلوۆوز بەن مارشرۋتتىق اۆتوبۋستىڭ سوقتىعىسۋى سالدارىنان التى ادام زارداپ شەكتى. بۇل تۋرالى قالالىق پوليتسيا دەپارتامەنتىنىڭ (پد) ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
«جەرگىلىكتى پوليتسيا قىزمەتىنىڭ كەزەكشى ءبولىمى حابارلاعانداي، جول-كولىك وقيعاسى بۇگىن ساعات 11:40-تا الماتىنىڭ المالى اۋدانىندا بولعان. سولتۇستىك باعىتتا اۋەزوۆ كوشەسىمەن ءجۇرىپ كەلە جاتقان جەكە تاسىمالداۋشىعا تيەسىلى 88-باعىتتاعى اۆتوبۋس گوگول كوشەسىنەن سولتۇستىككە قاراي تەمىرجول بويىمەن باتىسقا باعىت العان تەپلوۆوزبەن سوقتىعىسقان. الدىن الا مالىمەت بويىنشا، جول اپاتىنىڭ سالدارىنان قوعامدىق كولىكتىڭ التى جولاۋشىسى زارداپ شەكتى»، – دەلىنگەن سەيسەنبى كۇنگى حابارلامادا.
زارداپ شەككەندەرگە مەديتسينالىق كومەك كورسەتىلگەنى اتاپ ءوتىلدى.
«اپاتتىڭ باسقا دا ءمان-جايلارى انىقتالۋدا»، – دەپ قوستى پد.
