قورعانىس ءمينيسترىنىڭ نۇسقاۋلارى مەن كەيبىر بۇيرىقتارىنا بىرنەشە وزگەرىستەر ەنگىزىلمەك، دەپ حابارلايدى "ادىرنا" ۇلتتىق پورتالى.
بۇل اقپارات "اشىق نقا" سايتىندا جاريالاندى.
مينيستر بۇيرىعى جوباسىنىڭ تولىق ماتىنىمەن 5 جەلتوقسانعا دەيىن وزگەرىستەردى سايتتان قاراۋعا بولادى.
ۆەدومستۆو دەرەگىندە اسكەري قىزمەتتى وتكەرۋ ماسەلەلەرىن رەتتەيتىن قورعانىس ءمينيسترىنىڭ بۇيرىقتارىنا قۇقىقتىق مونيتورينگ جۇرگىزۋ بارىسىندا ءىس جۇزىندە قولدانىلمايتىن نورمالار انىقتالعانى كورسەتىلگەن.
دالىرەك، قۇقىق قورعاۋ جانە ارنايى ورگانداردىڭ قارۋلى كۇشتەرگە اۋىساتىن قىزمەتكەرلەرىن قايتا اتتەستاتسيالاۋ ءۇشىن اسكەري وقۋ ورىندارىندا بازالىق كۋرستاردان ءوتۋدى تالاپ ەتەتىن نورما تۋرالى ءسوز بولىپ وتىر.
"مۇنداي جاعدايلاردىڭ ازدىعىنا، اۋىسۋ مەرزىمدەرىنىڭ انىق ەمەستىگىنە جانە بەلگىلى ءبىر سالا ماماندارىنىڭ قاجەتتىلىگىنە بايلانىستى كۋرستاردان وتپەي-اق قايتا اتتەستاتسيالاۋعا الۋ ۇسىنىلادى. وسىعان بايلانىستى جوبا بۇيرىعىندا ءىس جۇزىندە قولدانىلمايتىن نورما الىپ تاستالۋعا جاتادى", - دەلىنگەن قورعانىس مينيسترلىگىنىڭ حابارلاماسىندا.
