23-24 قاراشا كۇندەرى استانادا قازاقستان قارۋلى كۇشتەرى اۆياتسياسى جوسپارلى تۇردە كوككە كوتەرىلەدى، دەپ حابارلايدى "ادىرنا" ۇلتتىق پورتالى.
بۇل تۋرالى قورعانىس مينيسترلىگى حابارلادى.
«2024 جىلعى 23-24 قاراشا كۇندەرى استانا قالاسىنان قازاقستان قارۋلى كۇشتەرى اۆياتسياسىنىڭ جوسپارلى ۇشۋلارى وتەدى. اتالعان ءىس-شارا ارنايى ءتۇتىندى پايدالانۋ ارقىلى قازاقستان رەسپۋبليكاسى اۋە قورعانىسى كۇشتەرىنىڭ وقۋ-جاتتىعۋ ۇشۋلارى شەڭبەرىندە وتكىزىلمەك. اۆياتسيانىڭ ۇشۋى قاۋىپسىز بيىكتىكتە وتەتىندىكتەن، قالا ءومىرىنىڭ ادەتتەگى قالپىن بۇزبايدى. ىس-شارا ۇشۋ قاۋىپسىزدىگى شارالارىنا سايكەس ۇيىمداستىرىلاتىندىقتان، تۇرعىندارعا ەشقانداي قاۋىپ توندىرمەيدى. قولدانىلاتىن ءتۇرلى-ءتۇستى تۇتىندەردىڭ ەكولوگيالىق زيانى جوق»، - دەلىنگەن حابارلامادا.
ايتا كەتەيىك، پرەزيدەنت ۋكرايناداعى جاعدايعا قاتىستى پىكىر بىلدىرگەن ەدى.
