پاۆلودار وبلىسىندا ءجاسوسپىرىم قىزدى وگەي اكەسى زورلادى دەگەن كۇدىككە ءىلىندى، دەپ حابارلايدى "ادىرنا" ۇلتتىق پورتالى.
پاۆلودار وبلىسى مايقايىڭ اۋىلىنىڭ تۇرعىنى 15 جاستاعى وگەي قىزىن زورلادى دەگەن كۇدىككە ءىلىندى. قازىر ەر ادام قاماۋعا الىنعان.
«زورلاۋ دەرەگى بويىنشا قىلمىستىق ءىس قوزعالدى. كۇدىكتى ۇستالىپ، ۋاقىتشا ۇستاۋ يزولياتورىنا قامالدى»، دەپ ءتۇسىندىردى پاۆلودار وبلىسىنىڭ پوليتسيا دەپارتامەنتى.
وبلىستىق بالا قۇقىقتارى جونىندەگى ۋاكىل ساۋلە شاكەنەۆا سوتقا دەيىنگى تەرگەۋ ءجۇرىپ جاتقانىن راستاعان.
«مۇمكىن زورلىق-زومبىلىق بىرنەشە رەت بولعان شىعار، ارينە، بالاعا كومەك پەن تەكسەرۋ قاجەت. ءدال وسى كەزەڭدە مەكتەپ مۇعالىمى قىزدىڭ كۇيزەلىسىنە نازار اۋدارعانىن ايتا الامىن. ناتيجەسىندە بالا ءوز ماسەلەسىن اشىق ايتىپ بەرگەن»، – دەيدى ساۋلە شاكەنەۆا.
وبلىستىق بالا قۇقىقتارى جونىندەگى ۋاكىل ءىستى باقىلاۋدى جالعاستىرىپ، جابىرلەنۋشىگە قاجەتتى قولداۋ كورسەتەتىنىن دە اتاپ ءوتتى.
