ىشكى ىستەر ءمينيسترىنىڭ ورىنباسارى باۋىرجان الەنوۆ تالعارداعى قايعىلى وقيعاعا قاتىستى پىكىر ءبىلدىردى، دەپ حابارلايدى "ادىرنا" ۇلتتىق پورتالى ۇلىسمەدياعا سىلتەپ.
ۇلىسمەديا ءتىلشىسى الاياقتىققا قارسى كۇرەس فورۋمىندا ۆيتسە-مينيستر الەنوۆتەن قوعامنىڭ نازارىن اۋدارتقان تالعار وقيعاسى تۋرالى بىرنەشە ساۋال جولداعان.
ءتىلشى تالعارداعى قاندى وقيعا بولىپ جاتقانعا وبلىستىڭ قاۋىپسىزدىگىنە جاۋاپتى تۇلعانىڭ قىزمەتتە ءوسۋى قانشالىقتى ەتيكاعا ساي ەكەنىن بىلمەك بولىپ، پىكىرىن سۇراعان.
الايدا الەنوۆ پرەسس-رەليزدەگى اقپاراتتى ايتقانىن مالىمدەگەن.
اقىرىندا تالعارداعى قاندى وقيعاعا “جاۋاپكەرشىلىك سەزىنەسىز بە، قانشا دەگەنمەن ءسىز باسقاردىڭىز عوي وبلىستى” دەپ تاعى سوزگە تارتۋعا تىرىستى.
ارتىنشا سۇراققا ماردىمدى جاۋاپ بەرمەگەن ۆيتسە-مينيسترگە ء“سىزدىڭ جاۋاپكەرشىلىڭىز انىقتالسا، وتستاۆكاعا كەتۋگە دايىنسىز با” دەپ سۇراپ ۇلگەرگەنى ايتىلدى.
“مەن بۇعان كوممەنت بەرمەيمىن، ءبىز باسقا ماسەلە بويىنشا جينالدىق”، - دەپ جاۋاپ بەرگەن الەنوۆ.
ۆيتسە-مينيستردەن جاۋاپ الۋعا تىرىسقان جۋرناليست ء“سىز الماتى وبلىسىندا ۇقت جوق” دەپ ەدىڭىز عوي، “ول قالاي” دەپ تاعى سۇراعىنا جاۋاپ الۋعا تىرىستى.
"بۇل “قىزمەتتىك ماقساتتاعى اقپارات”. ال “جوق” دەپ مەن “حۋتورعا” قاتىستى ايتتىم", – دەدى ۆيتسە-مينيستر.
