بۇگىن قازاقستان جۋرناليستەر وداعىنىڭ قۇرىلعانىنا - 65 جىل. 1959 جىلى 12 – 14 قاراشاداوتكەن قازاقستان جۋرناليستەرىنىڭ 1-سەزىندە قازاقستان جۋرناليستەر وداعى قۇرىلعان بولاتىن. 2001 جىلى ساۋىردە قايتا تىركەلدى.
قازاقستان جۋرناليستەر وداعىنىڭ تاريحى وتكەن عاسىردىڭ 20-جىلدارىنان باستاۋ الادى. تۇڭعىش سەز كەزىندە ء“باسپاسوز تۋرالى” دەگەن تاقىرىپتا بايانداما جاسالىپ، ءباسپاسوزدىڭ مىندەتتەرى ايقىندالدى. بۇل كەزدە ورىس تىلىندە 16, قازاق تىلىندە 12, ۇيعىر تىلىندە 1 گازەت شىعىپ تۇرعان. سەزد ءباسپاسوز قىزمەتكەرلەرىنىڭ ۇيىمىن قۇرىپ، ونىڭ بۇكىلقازاقستاندىق ورتالىق بيۋروسىن سايلادى، توراعالىعىنا تۇرار رىسقۇلوۆتى بەكىتكەن بولادى.
قازىر قر جۋرناليستەر وداعىنىڭ توراعاسى - ماتاەۆ سەيىتقازى بەيسەنعازىۇلى.
«قازاقستان رەسپۋبليكاسى جۋرناليستەر وداعى» – ازاماتتاردىڭ ۇلتىنا، ءدىني ۇستانىمىنا، ساياسي پارتيالار مەن قوعامدىق بىرلەستىكتەردەگى مۇشەلىگىنە قاراماستان، قوعامنىڭ الەۋمەتتىك، مادەني، ەكونوميكالىق جانە باسقا دا اكتۋالدى پروبلەمالارىن شەشۋگە، سونداي-اق مەملەكەتتىڭ قوعامدىق-ەكونوميكالىق، ساياسي، مادەني پروتسەستەرىن باق-تاردا وبەكتيۆتى جانە جان-جاقتى كورسەتكىسى كەلەتىن جۋرناليستەردىڭ قوعامدىق بىرلەستىگى.
قر جو – مەملەكەتتىك جانە رەسپۋبليكامىزدىڭ باسقا دا تىلدەرىندە شىعاتىن باسىلىمدارعا مەتودولوگيالىق جانە ادىستەمەلىك كومەك كورسەتەدى، سونداي-اق، جۋرناليستيكا مەن باق-تاردى دامىتۋ ماسەلەلەرىنە قاتىستى سيمپوزيۋمدار، سەمينارلار، كونفەرەنتسيالار وتكىزىپ تۇرادى; قازاقستاندا بولىپ جاتقان وقيعالار شەتەلدىك باسپاسوزدە تولىق جانە وبەكتيۆتى تۇردە كورسەتىلۋ ءۇشىن شەتەلدىك باق وكىلدەرىنە اقپارات الۋعا كومەكتەسەدى. باق قىزمەتكەرلەرىنىڭ تىنىعۋىن ۇيىمداستىرۋعا قولداۋ كورسەتەدى.
