سوڭعى اپتا قازاق بالۋاندارى الەمدى دۇرىلدەتتى. كەشە عانا نۇرقوجا قايپانوۆ ەركىن كۇرەستەن الەم چەمپيونى اتاندى. ونىڭ الدىندا عانا التىن قىز ءجاميلا باقبەرگەنوۆا الەمنىڭ كۇمىسىن قانجىعالادى. ەكى-ءۇش كۇن بۇرىن ريزابەك ايتمۇقان 23 جاسقا دەيىنگىلەر اراسىنداعى الەم بىرىنشىلىگىنىڭ التىنىمەن اپتالدى. بۇنىڭ ءبارى تاريحي جەڭىستەر.
سەبەبى، ريزابەك ءۇش جاس ساناتىندا دا الەم چەمپيونى بولعان تۇڭعىش قازاق! ءجاميلا ءتورت جىل قاتارىنان الەمدىك دودادان مەدال اكەپ وتىر. نۇرقوجانىكى ايتپاسا دا تۇسىنىكتى.
كوك بايراعىمىزدى بيىككە كوتەرىپ، ەلدىڭ ءيميدجىن حالىقارالىق ارەنادا كوتەرىپ جۇرگەن وسى قىز-جىگىتتەر ءالى لايىقتى ماراپاتتالمادى دا. ۇشەۋىنە پاتەر بەرمەك تۇگىلى ءبىر كولىك مىنگىزبەدىك. قازاقتىڭ اتىمتاي جومارت ازاماتتارى قايدا؟ رۋ جاعىن قۋىساتىن بولساق ەلدى وتىز جىل بيلەگەن شاپىراشتىدان ءبىر قالتالى ازامات شىعىپ، قارىنداستارى ءجاميلانى ۇلدە مەن بۇلدەگە ورايتىن-اق جوندەرى بار ەدى.
كۇرەستىڭ ماڭىندا جۇرگەن ازاماتتارعا قىرعىز اعايىندار سالەم ايتىپتى. ءۇش بالۋاندارىڭا كولىك مىنگىزەتىن قازاق تابىلماسا، مىنگىزەتىن قىرعىز تابىلادى دەپ. بۇل ەندى سۇيەككە تاڭبا، ۇلتقا ۇيات بولاتىن نارسە.
جوقتان وزگەگە جىرتىلىپ شاشىلاتىن باي-باعلاندارىمىز ويلاناتىن شىعار دەپ جازدىم. اتتەڭ، قولدىڭ كەلتەسى-اي. ۇشەۋىنە ءۇش پاتەرى مەن ءۇش كولىگىن ءوزىم-اق بەرە سالاتىن ەدىم.
وڭعار قابدەن
Facebook پاراقشاسىنان
