مەملەكەت باسشىسى قاسىم-جومارت توقاەۆ ەممانيۋەل ماكروننىڭ شاقىرۋىمەن 4-5 قاراشا كۇندەرى فرانتسيا رەسپۋبليكاسىنا مەملەكەتتىك ساپارمەن بارادى. بۇل تۋرالى اقوردانىڭ ءباسپاسوز قىزمەتى جاريالادى، دەپ حابارلايدى “ادىرنا” ۇلتتىق پورتالى.
اقپاراتقا سايكەس، ساپار بارىسىندا ساۋدا-ەكونوميكالىق، ينۆەستيتسيالىق جانە مادەني-گۋمانيتارلىق سالالارداعى ىنتىماقتاستىقتى ودان ءارى دامىتۋعا باعىتتالعان جوعارى دەڭگەيدەگى كەلىسسوزدەر وتەدى.
سونداي-اق قازاقستان پرەزيدەنتى فرانتسيانىڭ ىسكەر توپتارىنىڭ بىرقاتار وكىلىمەن كەزدەسەدى.
ايتا كەتەيىك، 31 قازان كۇنى مەملەكەت باسشىسى قاسىم-جومارت توقاەۆ شەتەلدىك ينۆەستورلار كەڭەسىنىڭ 36-شى پلەنارلىق وتىرىسىن وتكىزدى.پرەزيدەنت سوندا حالىقارالىق مەنەدجمەنتتى دامىتۋ ينستيتۋتىنىڭ (IMD) مالىمەتىنە سۇيەنە وتىرىپ، ەلىمىز الەمدەگى باسەكەگە قابىلەتتى 35 مەملەكەتتىڭ قاتارىنا قوسىلعانىن ايتتى.
