شىعىس قازاقستان وبلىسى، كۇرشىم اۋدانى، العاباس اۋىلىنا اپارتىن جولدى جاۋىندا جوندەپ جاتىر، دەپ حابارلايدى «ادىرنا» ۇلتتىق پورتالى.
بۇل تۋرالى دەپۋتات داۋلەت مۇقاەۆ ينستاگرام الەۋمەتتىك جەلىسىندە ءبولىستى.
«ءبىز نەگە دامىمايمىز؟ سەبەبى كوپ نارسەنى تەرىس ىستەيمىز. ءۇي سالامىز، ارتىنشا جول سالامىز. سوسىن ونى بۇزىپ، جول استىنا قۇبىر، كابەل سالامىز. اقشا جوق ەمەس، ءبولىنۋى بولىنەدى-اۋ. بىراق سونى دۇرىس باسقارا الماعان سوڭ، تالاڭ-تاراجعا ءتۇسىپ، سوڭىندا قاراپايىم حالىق وپىق جەيدى. ودان كەيىن قالعان اقشامەن بوران بولسىن، جاڭبىر بولسىن، ەشتەڭەگە قاراماي ايتەۋىر، جولدى تەز-تەز ءبىتىرۋ كەرەك بولادى. ۆيدەودا شقو، كۇرشىم اۋدانى، العاباس اۋىلىنا بارار جول. مىنە، سونىڭ ايقىن مىسالى وسى. بولىنگەن اقشا جوعارىدان اۋىلعا جەتكەنشە، دوكەيلەردىڭ ۋىسىنا تۇسكەنشە، 20 سانتيمەترلىك اسفالت 15 بولادى، 15 سم اسفالت 7-8 سم بولادى» - دەپ جازدى دەپۋتات.
ۆيدەونى جىبەرگەن العاباس اۋىلىنىڭ تۇرعىندارى ساپاسىز جول سالىنىپ جاتقانىن ايتىپ، داۋلەت مۇقاەۆقا حات جولداعان.
«بۇگىن 29 قازان، بۇل 7 كم جولدىڭ جوندەۋ جۇمىسى. مەردىگەر جۇمىسىن باستاعاننان بەرى اۋىل حالقى كۇندە ەسكەرتۋمەن كەلەدى جكح مەكەمەسىندە اۋداندىق باسىندا تۇرىپ شاقىردى كەلمەدى، تەكسەرۋشى ورگان كەلمەيدى، ەشكىم باقىلاۋعا المايدى، اۋىلدىق اكىم كەلىپ ەسكەرتۋ جاسايدى بىراق ونى تىڭدامايدى. كۇرشىم اۋدانى مەن العاباس اۋىلىنىڭ اراسى 10 كم وسىدان 4-5 جىل ءبىرىنشى سالىنعان اسفالت جولدىڭ قالىڭدىعى نە ءبارى 1.5 سم وسىنى تەكسەرگەن وبلىستىق انتيكور، لابوراتوريا كەلىپ العان اناليزدەن دە ساپاسىز ناتيجە شىققان. بىراق مەردىگەرگە ەشقانداي شارا قولدانعان جوق» - دەيدى اۋىل تۇرعىندارى.
