جامبىل وبلىسىنىڭ قازاقستان حالقى اسسامبلەياسى رەسپۋبليكالىق «مەكەپكە جول» اكتسياسىنا بەلسەندى قاتىستى، دەپ حابارلايدى adyrna.kz ۇلتتىق پورتالى جامبىل وبلىسى اكىمى اپپاراتى «قوعامدىق كەلىسىم» كمم ءباسپاسوز ورتالىعىنا سىلتەمە جاساپ.
ءبىلىم كۇنى قارساڭىندا تاراز قالاسىنىڭ «دوستىق ءۇيى» عيماراتىندا "جامبىل وبلىسى بويىنشا ماحمۇت قاشقاري اتىنداعى ۇيعىر ەتنومادەني بىرلەستىگى" قوعامدىق بىرلەستىگىنىڭ جەتەكشىسى مۋحابات تۋردىەۆا ۇيعىر ەتنوسىنىڭ ءبىرىنشى سىنىپ وقۋشىلارىمەن كەزدەستى. مۋحابات ابدراحمانقىزى بالالار مەن ولاردىڭ اتا-انالارىن كەلە جاتقان مەرەكەمەن قۇتتىقتاپ، ءوزىنىڭ جۇرەك جاردى لەبىزىن جەتكىزدى.
– جاز مەزگىلىنىڭ اياقتالۋىنا دا ساناۋلى كۇندەر قالدى. مەكتەپكە بارار ۋاقىت جاقىنداپ كەلەدى. قاربالاس كەزەڭ، العاشقى قوڭىراۋ سوعىلادى، كىرشىكسىز، سىڭعىرلاعان بالالار كۇلكىسى ۇزدىكسىز ەستىلەتىن كەزەڭ. قامسىز بالالىق شاقتان، جاۋاپتى مەكتەپ ومىرىنە كوشۋ. وسى تۇستا بۇلدىرشىندەر، سىزدەر ءۇشىن "مەكتەپ" اتتى جاڭا جول اشىلعالى تۇر. ءسىز ءۇشىن بۇل جول قىزىققا جانە تاعىلىمعا تولى بولسىن. سىزدەر تەك قانا جاقسى باعالارمەن عانا ەمەس، سونىمەن قاتار ۇقىپتىلىقتارىڭىزبەن مىنا بىزدەردى قۋانتادى دەپ سەنەمىن! سىزدەرگە اق جول تىلەيمىن، – دەدى ول.
كەزدەسۋ بارىسىندا وقۋشىلارعا دوستىق ءۇيى عيماراتىنىڭ ىشىندە جانە ماحمۇت قاشقاري اتىنداعى ۇيعىر ەتنومادەني بىرلەستىگىنىڭ مۇراجايى بويىنشا تانىمدىق ەكسكۋرسيا جۇرگىزىلدى. مۇحابات ابدراحمانقىزى بالالارعا ولاردىڭ مادەني مۇراسى مەن ونداعى ەكسپوناتتارى تۋرالى ايتىپ، بالالاردىڭ سۇراقتارىنا جاۋاپ بەردى. سونداي-اق ول بالالارعا العىس حات پەن مەكتەپكە قاجەتتى قۇرال-جابدىقتار سالىنعان ريۋكزاك تابىس ەتىلدى. ايتا كەتۋ كەرەك، مۋحابات ابدراحمانقىزى جىل سايىن ءداستۇرلى تۇردە بىرىنشى سىنىپ وقۋشىلارىن وقۋ قۇرالدارىن الىپ بەرىپ، مەكتەپ اتتى كەمەگە شىعارىپ سالادى.
جالپى قازاقستان حالقى اسسامبلەياسىنىڭ وڭىرلىك فيليالدارى ارقىلى جىل سايىن الەۋمەتتىك قولداۋ ۇيىمداستىرىپ، الەۋمەتتىك دەڭگەيى تومەن وتباسىلارداعى بالالارعا قول ۇشىن سوزۋدى داستۇرگە اينالدىرىپ كەلەدى. ماسەلەن بيىل قازاقستان حالقى اسسامبلەياسى «مەكتەپكە جول» رەسپۋبليكالىق اكتسياسى اياسىندا از قامتىلعان جانە كوپ بالالى وتباسىدان شىققان، سونداي-اق اتا-انا قامقورلىعىنان ايرىلعان وقۋشىلارعا 200 ملن تەڭگە كولەمىندە قايىرىمدىلىق كومەك كورسەتتى.
"ادىرنا"
ۇلتتىق پورتالى
