قاراباقتى ارمەنياعا قايتا قوسۋ قوزعالىسى جالعاسپاۋى كەرەك. بۇل تۋرالى ارمەنيا پرەمەر-ءمينيسترى نيكول پاشينيان رەسەي پرەزيدەنتى ۆلاديمير پۋتينمەن وتكەن كەزدەسۋدە ايتتى، دەپ حابارلايدى «ادىرنا» ءتىلشىسى.
ء«بىز قاراباق قوزعالىسىن جالعاستىرماۋىمىز كەرەك، ويتكەنى ارمەنيا مەن ازەربايجان اراسىندا بەيبىتشىلىك ورناعان. ەكى ەل دە ءبىر-ءبىرىنىڭ اۋماقتىق تۇتاستىعىن، ساياسي تاۋەلسىزدىگىن جانە ەگەمەندىگىن 1991 جىلعى الماتى دەكلاراتسياسى نەگىزىندە مويىندادى»، — دەدى ول.
ونىڭ سوزىنشە، قاقتىعىستى رەتتەۋگە ۆلاديمير پۋتين دە ۇلەس قوسقان.
ء«سىز دە قوس تاراپ اراسىنداعى قاتىناستاردى قالىپقا كەلتىرۋ پروتسەسىندە نەگىزگى ءرول وينادىڭىز»،-دەدى پرەمەر-مينيستر.
ەسكە سالايىق، كەڭەس وداعىنىڭ ىدىراۋى جانە 1992–1994 جىلدارى ازەربايجانمەن قارۋلى قاقتىعىستان كەيىن قاراباق كوپ جىلدار بويى ارمياندار مەكەندەيتىن مويىندالماعان رەسپۋبليكا رەتىندە ءومىر ءسۇردى. 2020 جىلعى قىركۇيەكتە وڭىردە قايتادان سوعىس قيمىلدارى باستالدى. ماسكەۋدىڭ دەلدالدىق ارەكەتىمەن سول جىلدىڭ 10 قاراشاسى تۇنىندە تاراپتار اتىستى توقتاتۋ تۋرالى كەلىسىمگە كەلدى.
2023 جىلى ازەربايجان قاراباقتا «انتيتەرروريستىك وپەراتسيا» جۇرگىزىپ، ونىڭ ناتيجەسىندە داۋ تۋىپ تۇرعان اۋماق تولىقتاي باكۋ باقىلاۋىنا ءوتتى. مويىندالماعان رەسپۋبليكانىڭ اۋماعىنان ارمەنياعا 100 مىڭنان استام ادام كوشىپ كەتكەن.
