قازاقستان پرەزيدەنتى قاسىم-جومارت توقاەۆقا رەسپۋبليكا كۇنىنە وراي شەت مەملەكەتتەر مەن حالىقارالىق ۇيىمداردىڭ باسشىلارى قۇتتىقتاۋ جەدەلحاتىن جولدادى. بۇل تۋرالى اقوردانىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
«قاسىم-جومارت توقاەۆقا ۇلتتىق مەرەكە – رەسپۋبليكا كۇنىنە وراي شەت مەملەكەتتەردىڭ باسشىلارى مەن حالىقارالىق ۇيىمداردىڭ باسشىلارىنان قۇتتىقتاۋلار كەلىپ جاتىر»، - دەلىنگەن حابارلامادا.
رەسەي پرەزيدەنتى ۆلاديمير پۋتين رەسەي مەن قازاقستان اراسىنداعى قارىم-قاتىناس ستراتەگيالىق ارىپتەستىك پەن وداقتاستىق رۋحىندا دامىپ كەلە جاتقانىن اتاپ ءوتىپ، ماسكەۋ مەن استانانىڭ كوپجاقتى قۇرىلىمدار اياسىنداعى بەلسەندى ءوزارا ءىس-قيمىلىنا توقتالدى. قحر توراعاسى سي تسزينپين قازاقستاننىڭ حالىقارالىق ارەناداعى بەدەلىنىڭ ارتقانىن اتاپ ءوتىپ، ەكى ەل اراسىنداعى ارىپتەستىكتى جاڭا دەڭگەيگە كوتەرۋگە دايىن ەكەنىن ءبىلدىردى.
ال اقش پرەزيدەنتى دجوزەف بايدەن قازاقستانمەن تاۋەلسىزدىك پەن اۋماقتىق تۇتاستىق قاعيداتتارىنا نەگىزدەلگەن ىنتىماقتاستىققا بەيىلدىلىگىن راستادى. قۇتتىقتاۋلار ۇلىبريتانيا كورولى چارلز III-دەن دە كەلىپ، بەيبىتشىلىك پەن كليماتتى قورعاۋ سياقتى جاھاندىق ماسەلەلەر بويىنشا ىنتىماقتاستىقتىڭ ماڭىزدىلىعىن اتاپ ءوتتى.
سونىمەن قاتار، رەسپۋبليكا كۇنىنە وراي فرانتسيا، تۇركيا، وزبەكستان، قىرعىزستان جانە باسقا دا كوپتەگەن ەلدەردىڭ باسشىلارى دا قۇتتىقتاۋ جەدەلحاتىن جولدادى.
