موڭعوليا پرەزيدەنتى ۋ.حۇرەلسۇحتىڭ شاقىرۋىمەن قازاقستان پرەزيدەنتى قاسىم-جومارت توقاەۆ 2024 جىلعى 28-29 قازاندا موڭعولياعا مەملەكەتتىك ساپارمەن بارادى. بۇل تۋرالى مونتسامە اقپارات اگەنتتىگى جاريالادى، دەپ حابارلايدى “ادىرنا” ۇلتتىق پورتالى.
بۇل مەملەكەتتىك ساپار قازاقستاننىڭ مەملەكەت باسشىسىنىڭ 2008 جىلعى ساپارىنان كەيىن 16 جىل وتكەن سوڭ جۇزەگە اسىرىلۋدا.
اقپاراتقا سايكەس، ساپار اياسىندا موڭعوليا پرەزيدەنتى ۋ.حۇرەلسۇح پەن قازاقستان پرەزيدەنتى قاسىم-جومارت توقاەۆپەن رەسمي كەلىسسوزدەر جۇرگىزىپ، ەكى ەل اراسىنداعى سوڭعى 30 جىلداعى قارىم-قاتىناستاردىڭ جەتىستىكتەرى مەن تابىستارىن تالقىلايدى، ءداستۇرلى دوستىق قارىم-قاتىناستاردى جاڭا دەڭگەيگە كوتەرىپ، ىنتىماقتاستىقتى جانە كوپتەگەن ەلدەردى ەكونوميكالىق مازمۇنمەن بايىتۋعا، كەڭ اۋقىمدى ماسەلەلەر بويىنشا پىكىر الماسۋ، سونىڭ ىشىندە وڭىرلىك ارەناداعى ىنتىماقتاستىقتى تەرەڭدەتۋ جوسپارلانۋدا.
سونداي-اق، ساپار بارىسىندا ەكى ەل اراسىنداعى قارىم-قاتىناستىڭ قۇقىقتىق نەگىزىن نىعايتىپ، كولىك، لوگيستيكا، اۋىل شارۋاشىلىعى، ۆەتەريناريا، تەحنولوگيا، مادەنيەت جانە تۋريزم، اقپارات سالالارىنداعى ىنتىماقتاستىقتى كەڭەيتۋگە ىقپال ەتەتىن ۇكىمەتارالىق جانە ۇيىمارالىق قۇجاتتارعا قول قويىلادى.
ايتا كەتسەك، موڭعوليا مەن قازاقستان 1992 جىلى 22 قاڭتاردا ديپلوماتيالىق قاتىناس ورناتقان بولاتىن.
