2024 جىلدىڭ 28 قازان مەن 3 قاراشا كۇندەرى ارالىعىندا اباي اتىنداعى مەملەكەتتىك سىيلىقتىڭ لاۋرەاتى، قازاقستاننىڭ ەڭبەك سىڭىرگەن قايراتكەرى، جازۋشى-دراماتۋرگ روزا مۇقانوۆانىڭ دراماتۋرگياسىنا ارنالعان «تەاتر اLL» III حالىقارالىق تەاتر فەستيۆالى وتەدى، دەپ حابارلايدى "ادىرنا" ۇلتتىق پورتالى.
بيىل ءۇشىنشى مارتە استانا تورىندە ۇيىمداستىرىپ جاتقان بۇل حالىقارالىق فەستيۆالگە ازەربايجان، قىرعىزستان جانە قازاقستاننىڭ ۇزدىك تەاتر ۇجىمدارى قاتىسادى دەپ جوسپارلانۋدا.
استانا قالاسى اكىمدىگىنىڭ قولداۋىمەن وتەتىن «تەاتر اLL» III حالىقارالىق تەاتر فەستيۆالىنىڭ ماقساتى – كورەرمەندەردى جازۋشى-دراماتۋرگ روزا مۇقانوۆانىڭ شىعارماشىلىعىمەن تانىستىرۋ، حالىقارالىق شىعارماشىلىق بايلانىستاردى نىعايتۋ جانە تەاتر ونەرىنە جاڭا سەرپىن بەرىپ وسكەلەڭ ۇرپاققا كەڭىنەن ناسيحاتتاۋ.
فەستيۆال بارىسىنا توقتالا كەتەيىك، 28-قازان كۇنى ساعات 18:00-دە جانە 19:00-دە حالىقارالىق تەاتر فەستيۆالىنىڭ قوناقتارى مەن قاتىسۋشىلارىنىڭ سالتاناتتى شەرۋى مەن اشىلۋى وتەدى. ال، فەستيۆالگە قوناق رەتىندە قاتىساتىن م.اۋەزوۆ اتىنداعى قازاق ۇلتتىق دراما تەاترىنىڭ قاسىرەتناما «ماڭگىلىك بالا بەينە» قويىلىمى (رەجيسسەرى: ب.اتاباەۆ) ق.قۋانىشباەۆ اتىنداعى قازاق ۇلتتىق مۋزىكالىق دراما تەاترى عيماراتىندا (مەكەن-جايى: ق.قۋانىشباەۆ كوشەسى 8/1) وتەدى.
29-قازان كۇنى 11:00-دە ا.توقپانوۆ اتىنداعى جامبىل وبلىستىق قازاق دراما تەاترى «ماڭگىلىك بالا بەينە» تراگەدياسىن (رەجيسسەرى: ا.وسپانباەۆا) جاستار تەاترى عيماراتىندا (مەكەن-جايى: ي. ەسەنبەرلين كوشەسى 10), ال 19:00-دە ق.قۋانىشباەۆ اتىنداعى قازاق ۇلتتىق مۋزىكالىق دراما تەاترى «بوپاي حانىم» تاريحي تراگەدياسىن (رەجيسسەرى: ج.جۇمانباي) ۇسىنسا (مەكەن-جايى: ق.قۋانىشباەۆ كوشەسى 8/1), 30-قازان كۇنى ساعات 15:00-دە استانا قالاسى اكىمدىگىنىڭ قۋىرشاق تەاترى ر.مۇقانوۆانىڭ «ماڭگىلىك بالا بەينە» دراماسىمەن (رەجيسسەرى: ق.ەشمۇراتوۆا) (مەكەن-جايى: رەسپۋبليكا داڭعىلى 3), ال ساعات 19:00-دە قىرعىزستان رەسپۋبليكاسى، بىشكەك قالاسىنان كەلگەن جامال سەيداكماتوۆا اتىنداعى «تۋنگۋچ» جاستار تەاترى «جەسىر» دراماسىن (رەجيسسەرى: ا.كىدىرمىشەۆ) جاستار تەاترىندا (مەكەن-جايى: ي. ەسەنبەرلين كوشەسى 10) كورەرمەن نازارىنا ۇسىنادى.
31-قازان كۇنى 17:00-دە ر.مۇقانوۆانىڭ 60 جاس مەرەيتويىنا ارنالعان «جارىق دۇنيە» اتتى شىعارماشىلىق كەشى ق.قۋانىشباەۆ اتىنداعى قازاق ۇلتتىق مۋزىكالىق دراما تەاترىندا وتسە (مەكەن-جايى: ق.قۋانىشباەۆ كوشەسى 8/1), 1-قاراشا كۇنى 11:00-دە C.سەيفۋللين اتىنداعى قاراعاندى وبلىستىق قازاق دراما تەاترىنىڭ «ەشكىم دە كىنالى ەمەس» دراما-ابسۋردى (رەجيسسەرى: ب.كيەكباەۆ) جانە ساعات 19:00-دە استانا قالاسى اكىمدىگىنىڭ مۋزىكالىق جاس كورەرمەن تەاترى «قىزجىلاعان» دراماسى (رەجيسسەرى:ا.ماكسيم) مۋزىكالىق جاس كورەرمەن تەاترى (مەكەن-جايى: ج.وماروۆ كوشەسى 47/ب) عيماراتىندا وتەدى.
2-قاراشا كۇنى 11:00-دە ح.بوكەەۆا اتىنداعى باتىس قازاقستان وبلىستىق قازاق دراما تەاترى م.اۋەزوۆ، ساحنالىق نۇسقاسىن جاساعان ر.مۇقانوۆا «قارالى سۇلۋ» مەتافيزيكاسى (رەجيسسەرى: ا.شاريپوۆ), ءا.مامبەتوۆ اتىنداعى اتىنداعى مەملەكەتتىك دراما جانە كومەديا تەاترىندا وتسە (مەكەن-جايى: ماڭگىلىك ەل داڭعىلى، ۆ2.3), ال ساعات 19:00-دە تۇركىستان مۋزىكالىق دراما تەاترى «فاريزا» دراماسى (رەجيسسەرى: ف.مولداعالي) ق.قۋانىشباەۆ اتىنداعى قازاق ۇلتتىق مۋزىكالىق دراما تەاترىندا (مەكەن-جايى: ق.قۋانىشباەۆ كوشەسى 8/1) وتەدى.
3-قاراشا كۇنى 11:00-دە ازەربايجان رەسپۋبليكاسى، گازاح قالاسى گازاح مەملەكەتتىك دراما تەاترى «شاتىر استىنداعى مەن» تراگيكومەدياسى (رەجيسسەرى: م.ەيۋبوۆ) م.گوركي اتىنداعى مەملەكەتتىك اكادەميالىق ورىس دراما تەاترىندا وتسە (مەكەن-جايى: جەلتوقسان كوشەسى، 11), ساعات 19:00-دە اباي اتىنداعى مەملەكەتتىك سىيلىقتىڭ لاۋرەاتى، قازاقستاننىڭ ەڭبەك سىڭىرگەن قايراتكەرى، جازۋشى-دراماتۋرگ روزا مۇقانوۆانىڭ دراماتۋرگياسىنا ارنالعان «تەاتر اLL» III حالىقارالىق تەاتر فەستيۆالىنىڭ سالتاناتتى جابىلۋى ق.قۋانىشباەۆ اتىنداعى قازاق ۇلتتىق مۋزىكالىق دراما تەاترىندا (مەكەن-جايى: ق.قۋانىشباەۆ كوشەسى 8/1) وتەدى.
