شىمكەنت قالاسىندا لومباردتى توناماق بولعان قارۋلى ۇرىنى ستۋدەنت توقتاتتى، دەپ حابارلايدى "ادىرنا" ۇلتتىق پورتالى.
رىسقۇلوۆ كوشەسىندە ورنالاسقان لومباردتاردىن بىرىندە مەديتسينالىق ماسكا كيىپ العان بەلگىسىز تۇلعا قولىنا تاپانشاعا ۇقساس زاتپەن لومبارد قىزمەتكەرلەرىن قورقىتىپ، اقشا الماق بولعان. ول لومبارد قىزمەتكەرىنەن 100 مىڭ تەڭگە قاراجات تالاپ ەتكەن.
لومبارد ىشىندە تۇرعان 18 جاستاعى جىگىت دەرەۋ شەشىم قابىلداپ، قىلمىسكەردىڭ قولىنان تاپانشانى الۋعا تىرىسادى. كەيىننەن ول قايعىلى جاعدايدىڭ الدىن الۋ ماقساتىندا قۇقىقبۇزۋشىنى ءتارتىپ ساقشىلار كەلگەنشە ۇستاپ العان.
«تۇران اۋداندىق پوليتسيا قىزمەتكەرلەرى دەر كەزىندە كەلىپ قۇقىقبۇزۋشىنى تۇتقىنداعان. اۋداندىق پوليتسيا باسقارماسىنىڭ باستىعى تىلەۋوۆ نۇرجان ءوز كەزەگىندە جاس جىگىتتىڭ تانىتقان ەرلىگى ءۇشىن ارنايى العىس حاتپەن ماراپاتتادى»، - دەلىنگەن پد حابارلاماسىندا.
