الماتىدا قوعامدىق كولىك پەن جەڭىل كولىك سوقتىعىستى، دەپ حابارلايدى "ادىرنا" ۇلتتىق پورتالى.
وقيعا ورنىندا ءبىر ادام قايتىس بولدى. جول اپاتى بوكەيحانوۆ قيىلىسىندا ورىن العان.
الماتى پوليتسيا دەپارتامەنتىنىڭ مالىمەتىنشە، Mitsubishi كولىگىنىڭ جۇرگىزۋشىسى سولتۇستىك اينالما كوشەسىمەن سولتۇستىك باعىتتا، بوكەيحانوۆ كوشەسىنىڭ قيىلىسىندا كەلە جاتقان. كەيىننەن ول جولاعىن اۋىستىرماق بولىپ، كولىك جەكە تاسىمالداۋشىعا تيەسىلى 58 باعىتتاعى اۆتوبۋسپەن سوقتىعىسقان.
"جول اپاتى سالدارىنان Mitsubishi كولىگىنىڭ جولاۋشىسى العان جاراقاتىنان وقيعا ورنىندا كوز جۇمدى. وقيعاعا قاتىستى ادام ولىمىنە اكەپ سوقتىرعان جول-كولىك وقيعاسى بويىنشا قىلمىستىق ءىس قوزعالدى", – دەلىنگەن پوليتسيا حابارلاماسىندا.
