الماتى وبلىسىندا 16 جاستاعى بالانىڭ ءولىمى تەرگەلىپ جاتىر، دەپ حابارلايدى "ادىرنا" ۇلتتىق پورتالى.
ءجاسوسپىرىم جاپپاي توبەلەس كەزىندە كوز جۇمدى. كتك ارناسىنىڭ مالىمەتىنشە، جانجال جىگىتتىڭ وتباسى جالعا العان دۇكەندە باستالعان.
قايعىلى وقيعا تالعاردا بولعان. جالعا الىنعان دۇكەننىڭ اۋىسىمىندا ءۇيدىڭ وتاعاسى جۇمىس ىستەگەن. تۋىستارىنىڭ ايتۋىنشا، كليەنت ەر ادام ساۋدا نۇكتەسىنە ءبىر قۇتى سىرا ساتىپ الۋعا كەلگەن. الايدا ول سىرا ءۇشىن اقشا تولەگىسى كەلمەي، ۇرىس-كەرىس باستالعان. 16 جاستاعى مارقۇم شەرزات پەن ونىڭ اعاسى اكەسىن جاقتاپ، كليەنتتەن كەتۋىن وتىنگەن. بىراق ونىڭ ورنىنا جانجال شىعارعان ازامات دوستارىنا قوڭىراۋ شالىپ، وقيعا ورنىنا تاعى ادامدار كەلگەن.
“ۇلىم ماعان قوڭىراۋ شالىپ، قازىر اكەسى مەن اعاسىن ۇرىپ-سوعاتىنىن ايتتى. بىردەن دۇكەنگە جۇگىردىم. بىراق مەن جەتكەنشە ۇلىم مەن كۇيەۋىمنىڭ اعاسىن ۇرىپ-سوعىپ ۇلگەرىپتى. كۇيەۋى پىشاق ۇستاعان ادامدى ولاردان الىپ كەتكەن. ونى قارۋلانعان دەپ قورىققان. بىراق ول جەردەگىلەردىڭ بارلىعىندا پىشاق، ءتىپتى مىلتىق بولدى. ۇلىمدى كوز الىمدا كوكالا قويداي ەتىپ ساباعان. ونىڭ قانسىراپ جاتقانىن كوردىم”، – دەيدى جىگىتتىڭ اناسى گۇلبارا بيشەمبيەۆا.
قايتىس بولعان ءجاسوسپىرىمنىڭ اناسى كۇدىكتىلەردىڭ پىشاق الا جۇگىرگەنىن ايتادى. مارقۇمنىڭ تۋىس اعاسى دا پىشاق جاراقاتىنان زارداپ شەككەن.
“شەرزاتتىڭ اكەسى تەك كليەنتتىڭ تاۋار ءۇشىن اقشا تولەۋىن قالاعان. بۇل دۇرىس قوي. كەلگەن ادام نە سەبەپتى ولارعا ءتيىسىپ، توبەلەسىپ، بىرەۋلەرگە قوڭىراۋ شالا باستادى؟ 15-20-دان كەم ەمەس ادام كەلدى. ولاردىڭ اراسىندا ءۇش-ءتورت قىز بولدى. بارلىعى جاس، بىراق وزدەرىن اڭدار سياقتى ۇستادى. ءتىپتى مىلتىقتارى مەن پىشاقتارى بولعان”، – دەيدى كوز جۇمعان جىگىتتىڭ تاعى ءبىر تۋىسى كۇلاش ريموۆا.
توبەلەس سالدارىنان اۋرۋحانادا كوز جۇمعان وقۋشىنىڭ دەنەسى ۇيىنە جەتكىزىلگەن.
