4 قازان اتوم ونەركاسىبىن دامىتۋ قاۋىمداستىعى (AIDA) استانا تۇرعىندارى مەن قازاقستاننىڭ بارلىق اتوم سالاسى قىزمەتكەرلەرىنە اتوم سالاسى قىزمەتكەرلەرىنىڭ ەلىمىزدىڭ وركەندەۋىنە قوسقان ۇلەسىنە ارنالعان جاڭا سۋرەتتى ۇسىندى.
مۋرال 28 قىركۇيەكتە وتكەن اتوم قىزمەتكەرلەرى كۇنىنە وراي اشىلدى جانە اتوم سالاسى قىزمەتكەرلەرىنىڭ ەڭبەگىن مويىنداۋدى بىلدىرۋگە، سونداي-اق ولاردىڭ قازاقستاننىڭ ەكولوگيالىق تازا جانە پروگرەسسيۆتى بولاشاعىنىڭ يگىلىگى جولىنداعى تۇراقتى جۇمىسىن كورسەتۋگە ارنالعان.
اۋماعى 710 شارشى مەتردى قۇرايتىن مۋرال استانانىڭ الماتى اۋدانىنداعى ءبىر ءۇيدىڭ قابىرعاسىن بەزەندىرەدى. بەينەنىڭ ورتالىق ەلەمەنتى – اسپاندا قالقىپ تۇرعان بەيبىت اتومنىڭ سيمۆولى. قولدار ادامزاتتىڭ ءوز دامۋ ماقساتتارىنا جەتۋ ءۇشىن اتوم ەنەرگياسىن يگەرۋگە جانە قاۋىپسىز پايدالانۋعا دەگەن ۇمتىلىسىن بىلدىرەتىن وسى رامىزگە سوزىلادى.
مۋرال قالا ءومىرى مەن تابيعاتتىڭ زاماناۋي ەلەمەنتتەرىن بەينەلەيدى. سۋرەتتە بەينەلەنگەن قالانىڭ ىسكەرلىك ورتالىعى جاڭاشىلدىقتىڭ ديناميكاسىن جانە ۇمتىلىسىن ەرەكشە اتاپ وتەدى، ال جاسىل وسىمدىكتەردىڭ بەينەسى قورشاعان ورتا مەن ەكولوگيالىق ءال-اۋقاتقا قامقورلىق جاساۋعا باعىتتالعان. سونداي-اق، مۋرال ءوزىنىڭ سۇلۋلىعىمەن جانە سەرپىندىلىگىمەن تانىمال استانا اسپانىن بەينەلەيدى.
«ەل يگىلىگى ءۇشىن ايانباي ەڭبەك ەتىپ جاتقان قازاقستانداعى اتوم سالاسى قىزمەتكەرلەرىنىڭ ەڭبەگىن اتاپ ءوتۋ ءبىز ءۇشىن وتە ماڭىزدى. بۇل مۋرال قالا كەڭىستىگىنىڭ جارقىن ەلەمەنتى عانا ەمەس، سونىمەن قاتار ءوز ەڭبەگىمەن قازاقستاننىڭ قاۋىپسىز جانە ەكولوگيالىق تازا بولاشاعىنا جول سالىپ جاتقاندارعا كورسەتىلگەن قۇرمەت. اتوم ونەركاسىبى ءسوزسىز قازاقستاننىڭ وتكەنى، بۇگىنى جانە بولاشاعىنىڭ ءبىر بولىگى بولىپ تابىلادى»، — دەدى AIDA توراعاسى الديار توقتاروۆ.
اتوم ونەركاسىبىن دامىتۋ قاۋىمداستىعى قازاقستانداعى اتوم ونەركاسىبىنىڭ دامۋىنا قولداۋ كورسەتۋدى جالعاستىرىپ، ەكولوگيالىق تازا ەنەرگيا كوزدەرىن جانە ەل مەن الەمدى العا جىلجىتۋعا كومەكتەسەتىن يننوۆاتسيالىق تەحنولوگيالاردى تانىمال ەتۋگە جاردەمدەسەدى.
