سەنات دەپۋتاتتارى دەنيس ءشيپپتىڭ جوعارعى سوت سۋدياسى لاۋازىمىنا كانديداتۋراسىن قولدادى، دەپ حابارلايدى “ادىرنا” ۇلتتىق پورتالى.
دەنيس ءشيپپتىڭ كانديداتۋراسىن مەملەكەت باسشىسى ۇسىنعان.
شەنەۋنىك 1968 جىلى 27 اقپان كۇنى پەتروپاۆلدا دۇنيەگە كەلگەن. ومبى مەملەكەتتىك ۋنيۆەرسيتەتىن قۇقىقتانۋ ماماندىعى بويىنشا جانە اكادەميك كورولەۆ اتىنداعى سامارا مەملەكەتتىك اەروعارىش ۋنيۆەرسيتەتىن بىتىرگەن.
دەنيس شيپپ اعىلشىن تىلىنەن اۋدارماشى، سالىق پوليتسياسىنىڭ ينسپەكتورى قىزمەتتەرىن اتقارعان. پەتروپاۆل قالالىق سوتىنىڭ جانە الماتى مامانداندىرىلعان قارجى سوتىنىڭ سۋدياسى بولدى.
2011-2015 جىلدارى الماتى مامانداندىرىلعان قارجى سوتىنىڭ توراعاسى بولدى. ول جوعارعى سوتتىڭ سۋدياسى قىزمەتىن دە اتقارعان.
