سولتۇستىك قازاقستان وبلىسى اقجار اۋدانى تالشىق اۋىلىنداعى مەكتەپ عيماراتىنىڭ فويەسىنە بۇرىش سپرەي شاشقان ەكى مۇعالىمدى ۇساق بۇزاقىلىق جاساعانى ءۇشىن پوليتسەيلەر جاۋاپقا تارتتى، دەپ حابارلايدى «ادىرنا” ۇلتتىق پورتالى Petropavlovsk.news-كە سىلتەپ.
«وقيعا سالدارىنان اۋداندىق اۋرۋحاناعا 11 جانە 9 جاستاعى ەكى وقۋشى، سونداي-اق 53 جاستاعى ايەل ءتۇستى. ولارعا مەديتسينالىق كومەك كورسەتىلدى جانە جاعدايلارى جاقسارعانى ايتىلدى. بۇرىش سپرەيىن شاشقان مۇعالىمدەر اكىمشىلىك جاۋاپكەرشىلىككە تارتىلدى»، - دەپ حابارلادى پوليتسەيلەر.
پوليتسيا وقۋشىلاردىڭ ەسىنەن تانىپ، مەكتەپتە ەرەكشە ءيىس پايدا بولعانىن حابارلادى. قىزمەتكەرلەر مەن مۇعالىمدەر، وقۋشىلار ەۆاكۋاتسيالاندى.
تەرگەۋ بارىسىندا ەكى مەكتەپ مۇعالىمى بۇرىش سپرەيىن تەكسەرۋ بارىسىندا ونى تۇسىنبەي، سپرەيدىڭ ىشىندەگىسىن شاشىپ، ءۇي-جايعا تارالۋىنا سەبەپ بولعانى انىقتالدى.
