اتىراۋدا ەر ادام كوپىردەن سەكىرىپ كەتتى، - دەپ حابارلايدى “ادىرنا” ءتىلشىسى.
اتىراۋ وبلىسى توتەنشە جاعدايلار دەپارتامەنتىنىڭ ءباسپاسوز قىزمەتى حابارلاعانداي، 28 قىركۇيەك كۇنى ساعات 08:28-دە اتىراۋ قالاسى جيلگورودوك اۋدانىندا بەلگىسىز بىرەۋ جاياۋ جۇرگىنشىلەرگە ارنالعان كوپىردەن سۋعا سەكىرگەنى تۋرالى حابارلاما كەلىپ تۇسكەن.
مۇنى ءبىرىنشى بولىپ جاعالاۋدا كەلە جاتقان ايەل بايقادى. ول دەرەۋ قۇتقارۋ قىزمەتىنە حابارلاسقان.
«شاقىرۋ ورنىنا جەدەل جەتكەن قۇتقارۋشىلار بەلگىسىز ەر ادامدى سۋدان شىعارىپ، العاشقى مەديتسينالىق كومەك كورسەتىپ، ەسىن جيدى»، - دەپ حابارلادى تجد.
كۋاگەرلەردىڭ ايتۋىنشا، ەر ادام ءوز-وزىنە قول جۇمساماق نيەتپەن سۋعا سەكىرگەن. قازىر ەر ادام جەدەل جاردەم قىزمەتكەرلەرىنە تاپسىرىلدى.
قازاقستاندا سوڭعى ەكى اپتادا ءسۋيتسيدتىڭ ون وقيعاسى تىركەلدى، ونىڭ جەتەۋى الماتىدا. 12 جانە 13 جاستاعى قىزدار، 17 جاستاعى ءجاسوسپىرىم، جەرگىلىكتى ۋنيۆەرسيتەت ستۋدەنتى جانە 3-كۋرس كۋرسانتى قايتىس بولدى.
