2024 جىلدىڭ 16 قىركۇيەگىندە گەرمانيانىڭ فەدەرالدى كانتسلەرى ولاف شولتس Maqsut Narikbayev University ستۋدەنتتەرىمەن اشىق كەزدەسۋ وتكىزدى. بۇل ولاف ءشولتستىڭ قازاقستانداعى ەكىجاقتى قارىم-قاتىناستاردى نىعايتۋعا باعىتتالعان رەسمي ءىس-ساپارى اياسىنداعى كەزدەسۋلەرىنىڭ ءبىرى بولدى.
MNU باسقارما توراعاسى تالعات نارىكباەۆ فەدەرالدى كانتسلەر شولتسكە بۇگىنگى كەزدەسۋ ءۇشىن جانە ەكىجاقتى قارىم-قاتىناستى دامىتۋدىعى ەرەكشە نازارىنا العىسىن ءبىلدىردى.
«بۇگىن ءسىزدى ۋنيۆەرسيتەت قابىرعاسىندا قارسى الۋ - ءبىز ءۇشىن ۇلكەن مارتەبە. ءبىز ءوز كەزەگىمىزدە جاھاندىق ۇدەرىسكە باعدار العان ءبىلىم بەرۋ جۇيەسىن دامىتىپ جاتقانىمىزدى ماقتان تۇتامىز. جاقىندا اكادەميالىق بايلانىستاردى نىعايتا وتىرىپ، فرانكفۋرتتاعى ەۋروپالىق ۆيادرينا ۋنيۆەرسيتەتىمەن كەلىسىمگە قول قويدىق. نەمىس ۋنيۆەرسيتەتتەرى جانە ەلشىلىكپەن ارىپتەستىك – قازاقستان مەن گەرمانيا اراسىنداعى قارىم-قاتىناستاردى دامىتۋعا قوسقان ۇلەسىمىز. وسى ورايدا سىزگە ۋاقىت ءبولىپ كەلگەنىڭىزگە العىسىمىزدى بىلدىرەمىز. بۇل ديالوگتىڭ ءبىزدىڭ ستۋدەنتتەر ءۇشىن اسا ماڭىزدى بولاتىنىنا سەنىمدىمىن»، - دەدى باسقارما توراعاسى.
كەزدەسۋ بارىسىندا ولاف شولتس ۋنيۆەرسيتەت ستۋدەنتتەرىمەن اشىق سۇراق-جاۋاپ سەسسياسىن وتكىزدى. ءىس-شارا اياسىندا حالىقارالىق ساياساتتىڭ وزەكتى تاقىرىپتارى، قازاقستان-گەرمانيا ىنتىماقتاستىعىنىڭ كەلەشەگى، قارقىندى تەحنولوگيالىق جانە الەۋمەتتىك وزگەرىستەر داۋىرىندە جاستار الدىندا اشىلاتىن جاھاندىق سىن-قاتەرلەر مەن مۇمكىندىكتەر تالقىلاندى.
كانتسلەر MNU ستۋدەنتىنىڭ قازاقستان مەن گەرمانيانىڭ ودان ءارى ىنتىماقتاستىعى تۋرالى سۇراعىنا جاۋاپ بەرە وتىرىپ، ەلدەر اراسىنداعى اقپارات پەن تاجىريبە الماسۋدىڭ ەرەكشە ەكەندىگىن اتاپ ءوتتى.
«بۇل ەكىجاقتى دامۋعا ىقپال ەتىپ قانا قويماي، ءوزارا پايدالى بولۋعا مۇمكىندىك بەرەدى. سەبەبى ىنتىماقتاستىق جانە مۇمكىندىكتەرمەن الماسۋ - الەمدىك ءوزارا بايلانىستىڭ نەگىزگى اسپەكتىلەرىنە اينالۋدا. گەرمانيا ءوز كەزەگىندە قازىرگى زاماندا حالىقارالىق قاتىناستاردا شەشۋشى ءرول اتقاراتىن تەتىكتىڭ ءبىرى، ياعني اقپارات الماسۋعا جانە سەرىكتەستىك قاتىناستارىن نىعايتۋعا ءاردايىم اشىق», - دەدى ول.
سونىمەن قاتار شولتس قۇقىقتىق ساۋاتتىلىقتىڭ ماڭىزدىلىعىن اتاپ ءوتتى. ول ءبىلىم بەرۋ مەكەمەلەرى مەن باق ادامدارعا ءوز قۇقىقتارى مەن زاڭنامالارىن جاقسى تۇسىنۋگە كومەكتەسۋى كەرەكتىگىن ايتتى. ونىڭ پىكىرىنشە، قۇقىقتىق ساۋاتسىزدىقپەن كۇرەسۋ – ادامدارعا ءوز قۇقىقتارى مەن مۇمكىندىكتەرىن تولىق پايدالانۋعا كومەكتەسەدى.
ولاف شولتستىڭ ساپارى Maqsut Narikbayev University مەن قازاقستاننىڭ جوعارى ءبىلىم بەرۋ جۇيەسى ءۇشىن ماڭىزدى وقيعا بولدى. بۇعان دەيىن ۋنيۆەرسيتەت فرانتسيا پرەزيدەنتى ەممانيۋەل ماكرون جانە ناتو-نىڭ قازىرگى باس حاتشىسى مارك ريۋتتە سياقتى الەمدىك كوشباسشىلاردى قابىلدادى، بۇل ءوز كەزەگىندە MNU-ءدىڭ حالىقارالىق اكادەميالىق الماسۋ ورتالىعى رەتىندەگى مارتەبەسىن راستايدى. مۇنداي الەمدىك دەڭگەيدەگى كوشباسشىلارمەن كەزدەسۋلەر ستۋدەنتتەرگە باعا جەتپەس تاجىريبە ۇسىنادى. سونداي-اق ولاردىڭ كوكجيەگىن كەڭەيتىپ، جاھاندىق ۇدەرىستەردى تەرەڭىرەك تۇسىنۋگە كومەكتەسەدى.
