19 قىركۇيەك الماتىدا ءىرى جول اپاتى بولىپ، ساين كوشەسىندەگى توننەلدە جەتى كولىك سوقتىعىستى. بۇل تۋرالى ۆيدەونى Instagram جەلىسىندەگى kris_p_brothers پابليگىنىڭ اۆتورلارى تاراتقان، دەپ حابارلايدى “ادىرنا” ۇلتتىق پورتالى.
ۆيدەو سيپاتتامادا ءىرى جول اپاتى ساين كوشەسىندە بولعانى ايتىلعان.
«ساعات 20:30-دا ساين كوشەسىمەن تومەن ءتۇسىپ كەلە جاتىپ، وسىنداي سۇمدىق كورىنىستىڭ كۋاسى بولدىم. جولدا ءبارىڭىز ساق بولىڭىزدارشى. ءسىزدى ۇيدە كۇتىپ وتىرعان ادامدار بارى ەسىڭىزدە بولسىن”، - دەلىنگەن ۆيدەو سيپاتتاماسىندا.
وقيعا ساين كوشەسى مەن جۇبانوۆ كوشەسىنىڭ قيىلىسىندا بولعان. جول-كولىك وقيعاسىنا جەتى كولىك قاتىسقان. وقيعا سالدارىنان ءبىر ادام زارداپ شەگىپ، اۋرۋحاناعا جاتقىزىلدى.
قازىر پوليتسەيلەر جول اپاتىنىڭ ءمان-جايىن انىقتاپ جاتىر.
