قىركۇيەكتىڭ 19-ى كۇنى «ەسكى قازاقستان قۇرباندارى» قوزعالىسىنىڭ بەلسەندىلەرى ءباسپاسوز ءماسليحاتىن وتكىزىپ، اكتيۆتەردى ءوندىرىپ الۋ ءۇشىن قوعامدىق كوميتەت قۇراتىنىن مالىمدەدى، دەپ حابارلايدى "ادىرنا" ۇلتتىق پورتالى Orda.kz-كە سىلتەپ.
ءباسپاسوز ءماسليحاتىندا قوعام بەلسەندىسى جارقىن كۇرەنتاەۆتىڭ ايتۋىنشا، باس پروكۋراتۋرا جانىنداعى اكتيۆتەردى قايتارۋ جونىندەگى كوميتەتكە شاعىمداناتىن نەگىزگى ماسەلە – ونىڭ ەسەپتەرى ەكەنىن ايتتى.
«كوميتەت ۇسىنعان ەسەپتەردىڭ تولىق ەمەس ەكەنىن جانە قۇپيالىق دەڭگەيىنە بايلانىستى ەكى رەت تەكسەرۋگە بولمايتىنىن كورىپ وتىرمىز. ال بۇل قۇپيا سىبايلاس جەمقورلىق تاۋەكەلدەرىن تۋدىرادى. قوعامنىڭ اكتيۆتەردى قايتارۋ تۋرالى ءوتىنىشى بار ەكەنىن ەسكەرە وتىرىپ، ءبىز ءوزىمىزدىڭ قوعامدىق كوميتەتىمىزدى قۇرىپ جاتىرمىز»، - دەپ ءتۇسىندىردى كۇرەنتاەۆ.
ولار كەلەسى سحەما بويىنشا جۇمىس ىستەۋدى جوسپارلاپ وتىر:
«ءبىز قازىردىڭ وزىندە كەيبىر ماجىلىسمەندەردەن، نەگىزىنەن ءبىر مانداتتى دەپۋتاتتاردان قولداۋ الدىق»، - دەيدى جارقىن كۇرەنتاەۆ.
قوعامدىق كوميتەت اي سايىن وزدەرى قاراعان ىستەر بويىنشا اتقارىلعان جۇمىستار تۋرالى ەسەپ بەرۋدى جوسپارلاپ وتىر.
دەپۋتات ەرمۇرات باپي جەلىدەگى پاراقشاسىندا:
ء"ارتۇرلى سحەمامەن ەلدەن جىلىستاتىلعان اكتيۆتەردى قايتارۋ كامپانياسىنا سايكەس قوعامدىق قوزعالىس باستالدى! مەملەكەتتىك ورگانداردىڭ جۇمىسىنا كوڭىلى تولماعان ازاماتتار قر ۇكىمەتى جانىنداعى اكتيۆتەردى قايتارۋ كوميسسياسى (پرەمەر ولجاس بەكتەنوۆ) مەن قر باس پروكۋراتۋراسىنىڭ (بەرىك اسىلوۆ) اكتيۆتەردى قايتارۋ كوميتەتىنە (نۇرداۋلەت سۇيىندىكوۆ) قوعامدىق كومەك كورسەتپەك نيەتتە!" - دەپ جازدى.
