كاسىپكەر تيمۋر قۇلىباەۆتىڭ كومپانياسى الماتى اكىمدىگىنەن 34 ميلليارد تەڭگە ءوندىرىپ الماق نيەتتە ەكەنى ايتىلدى، دەپ حابارلايدى "ادىرنا" ۇلتتىق پورتالى. بۇل تۋرالى ءماجىلىس دەپۋتاتى باقىتجان بازاربەك ءوز ساۋالىندا ايتتى.
دەپۋتاتتىڭ ايتۋىنشا تالاپ ءال-فارابي اتىنداعى قازۇۋ-دىڭ جەرىن قايتارۋ ىسىمەن بايلانىستى.
ماجىلىسمەن ءوز ءوتىنىشىن باس پروكۋراتۋراعا جولدادى.
"سوتتىڭ شەشىمى بويىنشا بيزنەس ورتالىق سالاتىن جەرىنەن ايىرىلعان تيمۋر قۇلىباەۆتىڭ فيرماسى الماتى اكىمدىگىنە 34 ميلليارد تەڭگە سوماسىندا شوت-فاكتۋرا جاسادى. ەندى سوتتان ۇتىلعاننان كەيىن كومپانيا بيزنەس ورتالىقتىڭ قۇرىلىسىنا سالعان ءوزىنىڭ زاڭسىز ينۆەستيتسيالارىن ءوندىرىپ العىسى كەلەدى. بۇل اكىمدىك زاڭسىز بەرگەن بارلىق جەر ۋچاسكەلەرى جوبالارعا بايلانىستى", – دەدى دەپۋتات ءماجىلىس وتىرىسىندا.
2017 جىلعى 1 تامىزدا ءال-فارابي اتىنداعى قازاق ۇلتتىق ۋنيۆەرسيتەتى الماتى اكىمدىگىنە ءال-فارابي داڭعىلى، 71 مەكەنجايى بويىنشا جەر ۋچاسكەسىنىڭ شەكارالارىن تۇزەتۋ تۋرالى وتىنىشپەن جۇگىنگەن. جالپى قازۇۋ ءوز اۋماعىن ءبىر گەكتارعا – 73,2-دەن 72,1 گەكتارعا دەيىن قىسقارتۋدى جوسپارلاعان ەدى.
