اقمولا وبلىسىنىڭ ورتالىعى كوكشەتاۋ قالاسىنىڭ ىشكى ساياسات ءبولىمى 2 ملن 520 مىڭ تەڭگەگە گۇل ساتىپ الۋعا تەندەر جاريالادى، دەپ حابارلايدى "ادىرنا" ۇلتتىق پورتالى satypalu.gov.kz سايتىنا سىلتەمە جاساپ.
كوكشەتاۋ قالاسىنىڭ ىشكى ساياسات ءبولىمى 13 قىركۇيەك كۇنى ء"تىرى راۋشان گۇلدەر" دەگەن تاقىرىپپەن تەندەر جاريالاعان. مەملەكەتتىك ساتىپ الۋدىڭ جەڭىمپازى 20 قىركۇيەك كۇنى انىقتالادى. تەحنيكالىق سيپاتتامادا ساتىلىپ الىناتىن گۇلدەردىڭ گوللاند راۋشانى بولۋى، ۇزىندىعى 1 مەتردەن، قاۋىزىنىڭ ديامەترى 12 سم-دەن كەم بولماۋى كەرەكتىگى كورسەتىلگەن. سونداي-اق گۇلدەردىڭ تۇستەرى تاپسىرىس بەرۋشىنىڭ ءوتىنىشى بويىنشا اكەلىنەتىنى، گۇل بۇرشىكتەرىنىڭ سىرتقى زاقىمدالۋىنا جول بەرىلمەيتىنى، الدىن الا ءوتىنىم نەگىزىندە ءونىم بەرۋشى گۇلدى ۋاقىتىندا جەتكىزۋگە ءتيىس ەكەنى جازىلعان. بىراق، تەحنيكالىق سيپاتتامادا مۇنداي كوپ كولەمدى گۇلدىڭ قالالىق ىشكى ساياسات بولىمىنە نەگە قاجەت بولىپ وتىرعانى ايتىلماعان.
كوكشەتاۋ قالاسىنىڭ ىشكى ساياسات ءبولىمى 2 ملن 520 مىڭ تەڭگەگە 1800 دانا ء(ار داناسى 1400 تەڭگە) گۇلدى نە ىستەمەك؟ مەملەكەت ساتىپ الۋ قۇجاتتارىندا جۇمىس مەرزىمى قىركۇيەك-جەلتوقسان ايلارىنىڭ اراسى دەپ كورسەتىلگەن. ءبىزدىڭ بىلۋىمىزشە، الدا گۇل سىيلاۋعا بولاتىن ەكى-اق مەملەكەتتىك مەرەكە بار. ولار: 25 قازان - رەسپۋبليكا كۇنى، 16 جەلتوقسان - تاۋەلسىزدىك كۇنى. سول ەكى مەرەكەدە قالانىڭ ىشكى ساياسات ءبولىمى 1800 ادامعا گۇل تاراتۋى مۇمكىن بە؟
بۇل سۇراقتاردى ءتيىستى مەكەمەگە جولدادىق. ولاردان جەتكەن جاۋاپتى الداعى ۋاقىتتا جاريالايتىن بولامىز.
اباي اسىل
“ادىرنا” ۇلتتىق پورتالى
