ەلىمىزدە اسكەرگە شاقىرۋ جاسىن 18-دەن 20-عا دەيىن ۇلعايتۋ جونىندە پەتيتسيا جاريالاندى، دەپ حابارلايدى “ادىرنا” ءتىلشىسى.
ە-Petition سايتىندا "اسكەري قىزمەتكە شاقىرۋ جاسىن ۇلعايتۋ تۋرالى" پەتيتسيا پايدا بولدى. قۇجاتقا قول قويعاندار سانى 50-گە جەتكەن.
پەتيتسيا اۆتورىنىڭ سوزىنشە، 18 جاستاعى جىگىت وتان قورعاۋعا بايلانىستى كۇردەلى مىندەتتەردى ورىنداۋعا فيزيكالىق جانە پسيحولوگيالىق تۇرعىدان دايىن ەمەس بولىپ جاتادى.
“18 جاستا ولار اسكەرگە كەتسە، وقۋ پروتسەسى توقتايدى. بۇل بولاشاق مانسابى مەن كاسىبي وسۋىنە كەرى اسەرىن تيگىزەدى. 20 جاستاعى ادام پسيحولوگيالىق جانە فيزيكالىق تۇرعىدان تۇراقتانا باستايدى. وسىلايشا ولاردىڭ اسكەري قىزمەتكە دايىندىعى دا ارتادى. بۇل قۇجاتتىڭ تاعى ءبىر نەگىزى بار. اسكەردەگى دەزەرتيرلىك جانە باسقا دا قۇقىق بۇزۋشىلىقتار سانى قىسقارۋى ۇشىن جاستاردى 20 جاسىنان باستاپ اسكەرگە شاقىرعان دۇرىس. ويتكەنى ەرەسەك ادامدار مۇنداي جاستا ءوزىن-ءوزى ۇستاي الادى جانە نەگە بولسا دا ۇلكەن جاۋاپكەرشىلىكپەن قارايدى”، – دەلىنگەن قۇجاتتا.
