رەسەي پرەزيدەنتى كەيبىر ستراتەگيالىق شيكىزاتتى سىرتقى نارىققا جەتكىزۋدى شەكتەۋ ماسەلەسىن تاپسىردى، دەپ حابارلايدى "ادىرنا" ۇلتتىق پورتالى تاسس-قا سىلتەپ.
رەسەي پرەزيدەنتى ۆلاديمير پۋتين ۇكىمەت كەڭەسىندە بىرنەشە ماسەلەنى قوزعادى. ول تاۋارلاردىڭ شەكتەلىپ جاتقانىن حابارلادى.
«بىزگە بىرقاتار تاۋارلاردى جەتكىزۋ شەكتەلىپ جاتىر. ءبىز دە بەلگىلى ءبىر شەكتەۋ قويۋىمىز كەرەك شىعار؟ ۋران، تيتان، نيكەل. وزىمىزگە زيان كەلتىرەتىن ەشتەڭە جاساماڭىزدار»، — دەدى پۋتين.
پۋتين رەسەيدىڭ ستراتەگيالىق شيكىزات قورى بويىنشا كوشباسشى ەكەنىن اتاپ ءوتتى. ياعني، تابيعي گازدىڭ 22% دەرلىك، التىننىڭ 23% جۋىق جانە المازدىڭ 55%-عا تارتا ۇلەسى بار.
«كەي ەلدەردە ستراتەگيالىق قور قۇرىلىپ، باسقا دا شارالار قابىلدانىپ جاتىر، جالپى، ەگەر بۇل بىزگە زيان تيگىزبەسە، وندا ويلانۋعا بولادى (مەن مۇنى ەرتەڭ ىستەۋ كەرەك دەپ ايتپايمىن، بىراق بۇل تۋرالى ويلانىڭىزدار). مەن اتاعان تاۋارلارعا عانا ەمەس، كەيبىر باسقالارىنا دا سىرتقى نارىققا جەتكىزۋگە بەلگىلى ءبىر شەكتەۋلەر تۋرالى ايتىپ وتىرمىن»، — دەدى ول ۇكىمەتكە تاپسىرماسىندا.
