قازاقستاندىق دزيۋدوشى دايانا فەدوسوۆا 2024 جىلى پاريجدە ءوتىپ جاتقان پاراليمپيادا ويىندارىندا قولا جۇلدەگەر اتاندى، دەپ حابارلايدى “ادىرنا” ۇلتتىق پورتالى قر ۇلتتىق وليمپيادا كوميتەتىنىڭ (ۇوك) ءباسپاسوز قىزمەتىنە سىلتەپ.
«قازاقستاندىق دزيۋدوشى دايانا فەدوسوۆا 2024 جىلعى پاراليمپيادا ويىندارىنىڭ قولا جۇلدەگەرى اتاندى»، - دەلىنگەن حابارلامادا.
فەدوسوۆا 57 كەلى سالماقتا تۇركيا وكىلى دەندۋ ەشيليۋرتتى سەنىمدى تۇردە جەڭدى.
2021 جىلى دايانا توكيوداعى پاراليمپيادا ويىندارىنا دا قاتىسقان ەدى.
ەسكە سالا كەتەيىك، العاشقى التىندى قازاقستاندىق پاۋەرليفتينگشى داۆيد دەگتيارەۆ جەڭىپ الدى. ول قازاقستان تاريحىنداعى تۇڭعىش ەكى دۇركىن پاراليمپيادا چەمپيونى اتاندى.
ودان كەيىن دزيۋدوشى اقمارال ناۋاتبەك قازاقستانعا پاراليمپيادا ويىندارىنىڭ ەكىنشى «التىنىن» اكەلدى.
قازىر پاراليمپيادادان ەل قورجىنىندا جەتى مەدال بار.
