ەلىمىزدە كەي مەملەكەتتىك باق-تى جەكەشەلەندىرۋ ۇسىنىلىپ جاتىر، دەپ حابارلايدى "ادىرنا" ۇلتتىق پورتالى قازتاگ-قا سىلتەپ.
مەملەكەتتىك باق-تى جەكەشەلەندىرۋ باعدارلاماسىنا Astana Open Dialogue ساراپشىلارى بىرقاتار ۇسىنىستاردى ەنگىزدى.
ەڭ اۋەلى، قوعاممەن جانە باسقا دا مۇددەلى تاراپتارمەن بايلانىستا ولقىلىقتاردىڭ، سونداي-اق جالعان جانە بۇرمالانعان اقپاراتتىڭ تارالۋىن بولدىرماۋ ءۇشىن داعدارىس جانە توتەنشە جاعدايلار كەزىندەگى مەملەكەتتىك جانە باسقا ۇيىمداردىڭ اقپاراتتىق، ءتۇسىندىرۋ جانە ۇيلەستىرۋ جۇمىستارى بويىنشا نۇسقاۋلىقتاردى جاڭارتۋ كەرەكتىگىن ۇسىندى.
مەملەكەتتىك باق-تى جەكەشەلەندىرۋ ماقساتىندا جۋرناليستەر مەن وكىلدەرىنە ازاماتتىق قارجى وپەراتورىمەن ءوزارا ءىس-قيمىلدى كوزدەيتىن مەملەكەتتەن گرانتتىق قولداۋ الۋ ەرەجەلەرى مەن تاقىرىپتارىن ءوز بەتىنشە ازىرلەۋ مۇمكىندىگىن قامتاماسىز ەتۋ مەن مەملەكەتتىك اقپاراتتىق تاپسىرىستى تاراتۋ كولەمى مەن باعىتىن ەلەۋلى تۇردە قايتا قاراۋ كەرەكتىگى دە ۇسىنىلدى.
ودان بولەك، جەكەشەلەندىرۋ جۇمىستارى نەگىزىندە سالالىق قازاقستاندىق رەداكتسيالىق جانە ەتيكالىق ستاندارتتاردى قالىپتاستىرۋ ماقساتىندا زاماناۋي جۋرناليستيكا جانە اقپاراتتىق جۇمىس تاجىريبەسىن جيناقتاۋ بويىنشا جۇمىستاردى جۇرگىزۋ ماسەلەسى دە كوتەرىلدى. سونىمەن قاتار،
- ۇكىمەت پەن مۇددەلى قۇرىلىمداردى باق-قا قانداي دا ءبىر نىساندا قىسىم جاساۋعا جول بەرمەيتىن شارتتاردا جانە فورماتتاردا كيبەرقاۋىپسىزدىكتى قامتاماسىز ەتۋدە رەسمي باق-قا قولداۋ كورسەتۋگە ىنتالاندىرۋ;
- قازاق قوعامىنداعى بەدەل ينستيتۋتىنىڭ نەگىزىن قالىپتاستىرۋ ءۇشىن مەملەكەتتىك جانە جەكە باسىلىمدار مەن رەداكتسيالاردىڭ باق مۇراعاتتارىنىڭ ساقتالۋىن جانە تسيفرلاندىرىلۋىن قامتاماسىز ەتۋ تۇستارى دا ۇسىنىس رەتىندە ەنگىزىلگەن.
