1 قىركۇيەك كۇنى باتىس قازاقستان وبلىسى ءبورلى-اقساي-جىمپيتى تاس جولىندا جول اپاتى بولىپ، سالدارىنان كولىكپەن بىرگە ونىڭ جۇرگىزۋشىسى ورتەنىپ كەتتى. بۇل تۋرالى «موي گورود» باسىلىمى جاريالادى، دەپ حابارلايدى “ادىرنا” ۇلتتىق پورتالى.
باسىلىمىنىڭ مالىمەتىنشە، جولدىڭ 23-ءشى شاقىرىمىندا Volkswagen Passat پەن Subaru سوعىسقان. Volkswagen جۇرگىزۋشىسى باسىپ وزىپ، قارسى قوزعالىس جولاعىنا شىعىپ، Subaru-مەن سوعىسقان.
اپاتتان كەيىن Passat جۇرگىزۋشىسىمەن بىرگە ورتەنىپ كەتتى. اپات ورنىندا Subaru جولاۋشىسى دا قازا تاپتى. Subaru جۇرگىزۋشىسى مەن ءۇش جولاۋشىسى ءار ءتۇرلى جاراقاتتارىمەن اۋرۋحاناعا جاتقىزىلدى.
سوتقا دەيىنگى تەرگەۋ جۇرگىزىلىپ جاتىر.
