اقتوبەدە ۋنيۆەرسيت باسشىسىنىڭ ايەلى تالاپكەرلەردەن اقشا العان، دەپ حابارلايدى “ادىرنا” ۇلتتىق پورتالى دياپازونعا سىلتەپ.
ۋنيۆەرسيتەت باسشىسىنىڭ ايەلى تالاپكەرلەردەن وقۋ اقىسى دەگەن جەلەۋمەن اقشا العان. ال وقۋعا تۇسپەك بولعاندار ايەلگە 100 مىڭنان 1,5 ملن تەڭگەگە دەيىن بەرگەندەرىن ايتادى.
باسىلىم دەرەگىنشە، اقتوبە قالاسىندا حالىقارالىق كولىك-گۋمانيتارلىق ۋنيۆەرسيتەتىنىڭ وكىلدىگى بار. گۇلميرا ت. ستۋدەنت بولامىن دەگەن تالاركەرلەردەن قوماقتى سومما الىپ، اقشانى ءوز قالاۋىنشا جۇمساعان دەگەن دەرەك تارادى.
47 جاستاعى ايىپتالۋشىنىڭ قىلمىستىق ىسىندە 25 ەپيزود بار ەكەنى انىقتالىپ وتىر. ال كۇيەۋى ايەلىنىڭ ستۋدەنتتەردەن اقشا العانىنان بەيحابار ەكەنىن ايتقان. سوت وتىرىسىندا ول جارىنىڭ قارىزى تۋرالى ۋنيۆەرسيتەتتىڭ باس كەڭسەسىنەن قوڭىراۋ شالعاننان كەيىن بىلگەنىن اتاپ وتكەن.
ال ءوزىن وقۋ ورنىنىڭ ادىسكەرى رەتىندە تانىستىرىپ، وقۋ اقىسىن ءوزىنىڭ جەكە بانك شوتىنا اۋدارۋعا نەمەسە قولما-قول بەرۋگە كوندىرگەن ايەل ءوز كىناسىن مويىندامادى.
سوتتا ايەل ادام ۋنيۆەرسيتەتتىڭ اقتوبەدەگى فيليالىن كۇيەۋى باسقاراتىنىن، ونىڭ بارلىق اۋدارىمداردان حاباردار بولعانىن، ال زارداپ شەككەندەردەن تۇسكەن اقشا وتباسىنىڭ قاجەتتىلىگىنە جۇمسالعانىن ايتقان. بۇل قارجىنى كۇيەۋى مەن ونىڭ اتا-اناسى وزدىگىنشە جاراتقانىن العا تارتقان.
كەيىنىرەك ايىپتالۋشى سوتتان كىشكەنتاي بالالارى بار ەكەنىن ەسكەرىپ، باس بوستاندىعىنان ايىرمايتىن جازا تاعايىنداۋدى سۇرادى.
ءىستى بولعان ايەل بارلىق قارىزدى قايتارىپ بەرۋگە مىندەتتەلىپ، 3 جىلعا باس بوستاندىعىنان ايىرىلدى.
