اتىراۋ وبلىسىندا شەكاراشى اسكەري قىزمەتىن وتەۋگە كەلگەن سارباز بولىمشەدەن قاشىپ كەتتى، دەپ حابارلايدى “ادىرنا” ۇلتتىق پورتالى Orda.kz-كە سىلتەمە جاساپ.
ساربازدىڭ قاي كۇنى قاشىپ كەتكەنى تۋرالى دەرەك جاريالانباعان. الايدا ول اتىراۋ وبلىسىنىڭ يساتاي اۋدانىندا ورنالاسقان 5575 اسكەري بولىمشەسىنەن قاشقان.
بولىمشەدەگىلەر اسكەرگە شاقىرىلۋشى ازاماتتىڭ جوق ەكەنىن بىردەن بايقاپ، ىزدەۋگە كىرىسەدى. ساربازدى اتىراۋ وبلىسى بويىنشا ۇلتتىق قاۋىپسىزدىك دەپارتامەنتى شەكارا قىزمەتىنىڭ قىزمەتكەرلەرى ۇستاعان.
“ول ۇستالدى. قاشۋ سەبەبى انىقتالىپ جاتىر. بىراق ونىڭ اسكەردەگى الىمجەتتىكە قاتىسى جوق”، - دەلىنگەن وردانىڭ دەرەگىندە.
سارباز قاشىپ كەتكەن شەكارا بولىمشەسى 2018 جىلدىڭ جەلتوقسان ايىندا اشىلعان.
بۇل وڭىردەگى العاشقى جاعداي ەمەس. بۇعان دەيىن دە مامىردا اتىراۋ گارنيزونىندا اسكەرگە شاقىرىلعان ازامات قارۋ الىپ قاشىپ كەتكەن بولاتىن. ول ءوزىن ۇستاعىسى كەلگەندەرگە وق جاۋدىرا باستاعان. كەيىننەن اسكەريدى «ارلان» ارنايى جاساعى مەن ۇلتتىق قاۋىپسىزدىك كوميتەتىنىڭ قىزمەتكەرلەرىن ۇستاماق بولعان. ارتىنشا قاشقان سارباز ءوز ەركىمەن بەرىلگەن ەدى.
ودان بولەك، 2022 جىلى اتىراۋ وبلىسىندا اسكەردە بورىشىن ءوتەپ جۇرگەن سارباز قايتىس بولعان.
