Atyraý oblysynda shekarashy áskerı qyzmetin óteýge kelgen sarbaz bólimsheden qashyp ketti, dep habarlaıdy “Adyrna” ulttyq portaly Orda.kz-ke silteme jasap.
Sarbazdyń qaı kúni qashyp ketkeni týraly derek jarııalanbaǵan. Alaıda ol Atyraý oblysynyń Isataı aýdanynda ornalasqan 5575 áskerı bólimshesinen qashqan.
Bólimshedegiler áskerge shaqyrylýshy azamattyń joq ekenin birden baıqap, izdeýge kirisedi. Sarbazdy Atyraý oblysy boıynsha Ulttyq qaýipsizdik departamenti shekara qyzmetiniń qyzmetkerleri ustaǵan.
“Ol ustaldy. Qashý sebebi anyqtalyp jatyr. Biraq onyń áskerdegi álimjettike qatysy joq”, - delingen Ordanyń dereginde.
Sarbaz qashyp ketken shekara bólimshesi 2018 jyldyń jeltoqsan aıynda ashylǵan.
Bul óńirdegi alǵashqy jaǵdaı emes. Buǵan deıin de mamyrda Atyraý garnızonynda áskerge shaqyrylǵan azamat qarý alyp qashyp ketken bolatyn. Ol ózin ustaǵysy kelgenderge oq jaýdyra bastaǵan. Keıinnen áskerıdi «Arlan» arnaıy jasaǵy men Ulttyq qaýipsizdik komıtetiniń qyzmetkerlerin ustamaq bolǵan. Artynsha qashqan sarbaz óz erkimen berilgen edi.
Odan bólek, 2022 jyly Atyraý oblysynda áskerde boryshyn ótep júrgen sarbaz qaıtys bolǵan.
