الماتىدا بەيبىت جيىندار مەن شەرۋلەر وتكىزۋ ورنى وزگەرتىلدى، دەپ حابارلايدى "ادىرنا" ۇلتتىق پورتالى.
«الماتى قالاسى ءماسليحاتىنىڭ ءححىى سەسسياسىنىڭ شەشىمىمەن بەيبىت جينالىستار مەن شەرۋلەر وتەتىن ورىندار وزگەرتىلدى»، - دەدى ءماسليحات سارسەنبى كۇنى وتكەن سەسسيادا.
ءماسليحات سەسسياسىندا ءسوز العان قالالىق قوعامدىق دامۋ باسقارماسىنىڭ باسشىسى ايدار ەسەنبەكوۆتىڭ ايتۋىنشا، بۇگىندە بەيبىت جينالىستار وتكىزۋگە ارنالعان مامانداندىرىلعان ورىندار - م. گاندي اتىنداعى ساياباق، ش.ءۋاليحانوۆ اتىنداعى جانە "سارى-ارقا" كينوتەاترىنىڭ ارتىنداعى سكۆەرلەر. شەرۋلەر ءۇشىن شەۆچەنكو كوشەسى بويىمەن ش.ءۋاليحانوۆ اتىنداعى سكۆەردەن م.گاندي اتىنداعى ساياباققا دەيىن جۇرۋگە بولادى.
جوعارىدا ايتىلعانداردى ەسكەرە وتىرىپ، مامانداندىرىلعان ورىندى ش.ءۋاليحانوۆ اتىنداعى سكۆەردەن (تولىمدىعى 1000 ادام) ابىلاي حان داڭعىلىنداعى ا. يمانوۆ اتىنداعى سكۆەرگە (تولىمدىعى 500 ادام) اۋىستىرۋ تۋرالى ۇسىنىس ءتۇستى، مۇندا كوشەلەردى جابۋدىڭ قاجەتى بولمايدى جانە جاقىن جەردە تۇرعىن ۇيلەر جوق.
قالانىڭ مامانداندىرىلعان ورىندارىن بۇرىن بەلگىلەنگەن قامتۋدى ساقتاۋ ماقساتىندا "سارى-ارقا" كينوتەاترىنىڭ ارتىنداعى سكۆەردىڭ تولىمدىلىعى 500-دەن 1000 ادامعا دەيىن وزگەرتىلدى.
سونىمەن قاتار سانكتسيالانعان شەرۋلەر نەمەسە دەمونستراتسيالار وتكىزۋ باعىتى وزگەرتىلدى. جاڭا باعىت جامبىل كوشەسىمەن گاگارين داڭعىلىنان مۇقانوۆ كوشەسىنە دەيىن وتەدى. شەۆچەنكو كوشەسىندەگى بۇرىنعى باعىت كولىك اعىندارىنا كەدەرگى كەلتىردى، ويتكەنى ول سەيفۋللين، نازارباەۆ، ابىلاي حان داڭعىلدارى، جەلتوقسان، ناۋرىزباي باتىر كوشەلەرى سياقتى قالانىڭ ماگيسترالدىق ارتەريالارىن كەسىپ ءوتتى.
دەپۋتاتتار وزگەرىستەردى كوپشىلىك داۋىسپەن قولدادى.
