Kaspi.kz Humo تولەم جۇيەسىنىڭ وپەراتورى بولىپ تابىلاتىن «ۇلتتىق بانكارالىق پروتسەسسينگ ورتالىعى» اق جارعىلىق كاپيتالىنداعى 100% مەملەكەتتىك ۇلەستى ساتۋ بويىنشا ساۋداعا قاتىسۋعا قىزىعۋشىلىق ءبىلدىردى. ءتيىستى حات وزبەكستان رەسپۋبليكاسىنىڭ مەملەكەتتىك اكتيۆتەردى باسقارۋ اگەنتتىگىنىڭ كەڭەسشىسى Deloitte حالىقارالىق كومپانياسىنا جىبەرىلدى.
Humo – بۇل وزبەكستان مەن شەتەلدە وپەراتسيالاردى جۇزەگە اسىرۋعا ارنالعان بانك تولەم كارتالارى نەگىزىندەگى تولەم جۇيەسى. Humo تولەم جۇيەسى اياسىندا 27 ميلليون HumoCard شىعارىلعان، 6 400 بانكومات جانە 210 مىڭنان استام تەرمينال جۇمىس ىستەيدى.
ميحايل لومتادزە، Kaspi.kz-ءتىڭ باسشىسى جانە نەگىزىن قالاۋشىلاردىڭ ءبىرى:
«وزبەكستان ەكونوميكاسى قارقىندى دامىپ كەلەدى جانە ءبىز مەملەكەتتىڭ نارىقتىق ەكونوميكا قاعيداتتارىنا اشىقتىعى مەن جاقىندىق ءپرينتسيپى جوعارى دەڭگەيدە ەكەنىن كورىپ وتىرمىز.
ينۆەستورلار مەن Kaspi.kz سياقتى اشىق كومپانيالار ءۇشىن تارتىمدىلىقتى ارتتىرۋعا باعىتتالعان رەفورمالار ءساتتى جۇزەگە اسىرىلۋدا. ءبىزدىڭ ينۆەستورلار مەن اكتسيونەرلەرىمىزدىڭ قاتارىندا BlackRock, Fidelity, Capital International, Ballie Gifford جانە باسقا دا الەمدەگى ەڭ بەدەلدى امەريكالىق جانە جاھاندىق تەحنولوگيالىق كومپانيالاردىڭ ينۆەستورلارى بار.
ءبىز Humo-نىڭ قازىرگى بيزنەس مودەلىن تولەم تەحنولوگيالارى مەن قىزمەتتەرىن دامىتۋداعى مول تاجىريبەمىزبەن تولىقتىرىپ، دامىتۋدى جوسپارلاپ وتىرمىز. بۇل قولما-قول اقشاسىز تولەمدەردىڭ ءوسۋىنىڭ كاتاليزاتورى بولىپ، ەكونوميكانىڭ وسۋىنە ىقپال ەتەدى.
وزبەكستاندا Humo تولەم قىزمەتتەرىن بارلىق قاتىسۋشىلار ءۇشىن ودان ءارى قولجەتىمدى جانە ىڭعايلى ەتۋ ءۇشىن تەحنولوگيالار مەن قىزمەتكەرلەرگە ايتارلىقتاي ينۆەستيتسيا سالۋدى جوسپارلاپ وتىرمىز. بۇل ينۆەستيتسيالاردىڭ ناتيجەسىندە Humo قوسىمشا سەرپىن الىپ، ءوز تەحنولوگيالىق مۇمكىندىكتەرىن كەڭەيتەدى جانە يننوۆاتسيالار سالاسىندا كوپشىلىككە ۇلگى بولادى. بۇل ءوز كەزەگىندە وزبەكستاننىڭ ينۆەستيتسيالىق تارتىمدىلىعىنىڭ ودان ءارى ارتۋىنا اكەلىپ، ەل ەكونوميكاسىنا شەتەلدىك ينۆەستيتسيالاردى تارتۋدىڭ درايۆەرى بولادى».
Kaspi.kz ميسسياسى – سۇيىكتى كليەنتتەر مەن سەرىكتەستەردىڭ ءومىرىن جاقسارتاتىن الەمدىك دەڭگەيدەگى يننوۆاتسيالىق ونىمدەر مەن قىزمەتتەردى قۇرۋ. كومپانيا تولەم جۇيەسىنىڭ وپەراتورى بولىپ تابىلادى جانە قازاقستاندا ەلەكتروندىق كوممەرتسيا، قولما-قول اقشاسىز تولەمدەر مەن قارجىلىق قىزمەتتەردى ۇسىنادى.
2024 جىلى Kaspi.kz كومپانياسى NASDAQ اقش قور بيرجاسىندا العاشقى جاريا ورنالاستىرۋدى (IPO) وتكىزدى، بۇل اقش-تاعى سوڭعى ەكى جىلداعى ەڭ ءىرى جاريا ورنالاستىرۋلاردىڭ ءبىرى بولدى. قازىرگى ۋاقىتتا كومپانيانىڭ نارىقتىق كاپيتاليزاتسياسى شامامەن 24 ميلليارد اقش دوللارىن قۇرايدى.
گارۆارد بيزنەس مەكتەبى (Harvard Business School) بىرنەشە جىل بويى ماگيستراتۋرا ستۋدەنتتەرى وقىپ كەلە جاتقان ەكى وقۋ ماتەريالىن جازدى، بۇل ءوز الدىنا ەرەكشە فاكت بولىپ تابىلادى. حالىقارالىق ساراپشىلار Kaspi.kz-ءتى ازاماتتاردىڭ ءومىرىن جاقسارتاتىن تەحنولوگيالاردىڭ ەرەكشە مىسالى دەپ سانايدى.
