باتىس قازاقستان وبلىسىندا اپاتقا ۇشىراعان سىنىپتاستاردىڭ اراسىندا كىشكەنتاي بالالار بولعان. ول اۋرۋحانادا ەم الىپ جاتىر، دەپ حابارلايدى "ادىرنا" ۇلتتىق پورتالى.
24 تامىزدا جانتۇرشىگەرلىك جول اپاتى بولىپ، ءتورت ادام قازا تاپقان ەدى. ال جول اپاتى سالدارىنان اۋىر جاراقات العاندار ەم الىپ جاتىر.
بقو دەنساۋلىق ساقتاۋ باسقارماسى ءباسپاسوز قىزمەتى ەكى ناۋقاس كازتالوۆ اۋدانى جالپاقتال اۋىلىنداعى اۋرۋحانادا ەمدەلىپ جاتقانىن حابارلادى.
«سەگىز جاسار بالانىڭ جاعدايى وتە اۋىر. شامالا وڭ وزگەرىس بار. 1981 جىلعى ەر ادامنىڭ جاعدايى تۇراقتى اۋىر. 10 جاسار بالا ساناۆياتسيامەن وبلىستىق كوپبەيىندى بالالار اۋرۋحاناسىنا جەتكىزىلدى. جاعدايى اۋىر، جانساقتاۋ بولىمىندە جاتىر. دارىگەرلەر جول اپاتىنان جاراقات العان ادامداردىڭ جاعدايىن جاقسارتۋ باعىتىندا قولدان كەلگەننىڭ ءبارىن جاساۋدا»، دەپ حابارلادى ۆەدومستۆودان.
ايتا كەتەيىك، باتىس قازاقستاندا جول اپاتىنان ءتورت ادامنىڭ قازا تاپقانىن جازعان بولاتىنبىز.
