قىزىلوردادا 16 جاستاعى قىزدى جەزوكشەلىكپەن اينالىسۋعا ماجبۇرلەگەندەردى دەپ ايىپتالعانداردىڭ سانى سەگىزگە جەتتى، دەپ حابارلايدى "ادىرنا" ۇلتتىق پورتالى Stan.kz-كە سىلتەپ.
وبلىستىق پد دەرەگىنە سايكەس اتالعان ءىس قىلمىستىق كودەكستىڭ 134-بابى 3-بولىگى "ادامدار توبىنىڭ الدىن الا ءسوز بايلاسۋىمەن كامەلەتكە تولماعان ادامدى جەزوكشەلىكپەن اينالىسۋعا تارتۋ" بويىنشا تەرگەلىپ جاتىر.
"سونىمەن قاتار قىلمىستىق ءىس اياسىندا بىرنەشە باپ بويىنشا تەرگەۋ ءجۇرىپ جاتىر، ونىڭ ىشىندە پريتون ۇيىمداستىرۋ، بوپسالاۋ، ەسىرتكى تۇتىنۋعا يتەرمەلەۋ، ازاپتاۋ جانە ت.ب. بار", – دەلىنگەن مينيسترلىك جاۋابىندا.
16 جاستاعى قىزدى جەزوكشەلىكپەن اينالىسۋعا يتەرمەلەۋ بويىنشا جۇرگىزىلگەن قىزمەتتىك تەكسەرىس بارىسىندا لاۋازىمدى تۇلعالار، قىزىلوردا وبلىسى پوليتسيا دەپارتامەنتىنىڭ قىزمەتكەرلەرىنە قاتاڭ سوگىس جاريالاندى.
