ءتۇپتامىرىن سوناۋ ءۇندىستاننان جايعان شاحمات بۇگىن دە جاسامال ءھام جاس اتاۋلى ءسۇيىپ وينايتىن ەرەك سپورت ءتۇرى.
كەرەك دەسەڭىز، پرەزيدەنت قاسىم-جومارت توقاەۆ ءوزى بۇل ويىن قازاقستاندىقتار اراسىندا كەڭىنەن ناسيحاتتالىپ، الدا الماتى قالاسىندا شاحمات پەن IT-تەحنولوگيانى تەرەڭدەتىپ وقىتاتىن مەكتەپ-ينتەرنات اشىلۋىن اسا قۇپ كورەتىنىن ءبىلدىردى.
17-ءشى تامىز كۇنى وسى ءبىر باستاما اياسىندا قازۇۋ كىتاپحاناسى 4-ءشى قاباتىندا قر پارلامەنتى سەناتى اشىق كۋبوگى جارتىلاي فينالى وتكەن-ءدى. ايتقاندايىن، شاحمات فەدەراتسياسى ۇيىمداستىرىپ جاتقان «Senat Open» ءتۋرنيرى قازاقستان ءار ايماعىن تەگىس قامتىدى دەسەك ءىس-شارا ماسشتابىن كوز الدىڭىزعا كەلتىرە الار ما ەدىڭىز؟ قازىلار شۆەيتسار جۇيەسى نەگىزىندە 9 راۋندتىق راپيد ارقىلى «شىعىس ءوڭىرى» 25 ۇزدىك ويىنشىسىن انىقتاپ، اق-قارا تاقتانى تاس-تالقان قىلعان ماڭدايالدىلاردى ديپلومدارمەن ماراپاتتاي، استانا تورىندەگى اقتىق كەزەڭگە جولداما تابىستادى. 2024-ءشى جىلدىڭ 21-ءشى ساۋىرىنەن رەسپۋبليكالىق ماڭىزى بار ءۇش شاھار مەن ون بەس وبلىستا ىرىكتەۋ ءوتىپ، وعان ءماسليحات دەپۋتاتتارى، قوعامدىق كەڭەس مۇشەلەرى، باق وكىلدەرى قاتىسۋ مۇمكىندىگىنە يە بوپ، الماتىداعى تۋرنيردە ءبىر-بىرىنە نە شاح، نە مات، نە پات دەپ جەڭىس جيرەنىنە ءمىنۋ ءۇشىن ءبىراز تەر توكتى-اق. بىلسەڭىز، جوعارىدا اتالعان ويىننىڭ وي جيناقتاۋدا، التسگەيمەر اۋرۋى الدىن الۋدا، سونىمەن بىرگە ازۋدا كوپ كومەگى تيەدى.
