جوعارعى سوت ەكس-پرەزيدەنت نۇرسۇلتان نازارباەۆتىڭ بايلىعىن قاراۋدان باس تارتتى، دەپ حابارلايدى "ادىرنا" ۇلتتىق پورتالى.
قازاقستاندىق قايىرگەلدى سماعۇلوۆ نازارباەۆتىڭ مەملەكەتتى باسقارعان جىلدارىندا جيناعان مۇلكىن مەملەكەت پايداسىنا ءوندىرىپ الۋعا باعىتتالعان تالاپ قويىپ، ارىز جازعان بولاتىن.
سوت ازاماتتىڭ ارىزىن ودان ءارى قاراۋعا نەگىز جوق دەپ تاپتى.
ء"وتىنىشتىڭ دالەلدەرىن زەردەلەي كەلە، سۋديا سوت اكتىلەرىن قايتا قاراۋعا نەگىز جوق دەپ ەسەپتەيدى", – دەلىنگەن جوعارعى سوت حابارلاماسىندا.
بۇعان دەيىن دە ەلوردالىق تۇرعىن سماعۇلوۆ ەكس-پرەزيدەنتكە ەكى رەت ارىز جازعان. ونىڭ سوزىنشە، نازارباەۆتىڭ پرەزيدەنت رەتىندەگى ارەكەتتەرى بۇكىل ادامزاتقا قاۋىپ توندىرگەن.
العاشى ارىزدار بويىنشا جوعارعى سوت قايىرگەلدى سماعۇلوۆتىڭ ەكس-پرەزيدەنت نۇرسۇلتان نازارباەۆقا قارسى “مۇلكىن مەملەكەت پايداسىنا ءوندىرۋ” تۋرالى ارىزىن قاراۋدان باس تارتتى. سەبەبى "قازاقستان رەسپۋبليكاسىنىڭ پرەزيدەنتى تۋرالى" زاڭدا نازارباەۆتى پرەزيدەنت رەتىندەگى وكىلەتتىكتەرىن ورىنداۋعا بايلانىستى ارەكەتتەرى ءۇشىن جازالاۋعا بولمايدى.
