18 تامىز كۇنى كەشكىسىن الماتىدا اۆتوبۋس ادامدى سوعىپ كەتتى. بۇل تۋرالى Kozachkov offside Telegram-ارناسى جاريالادى، دەپ حابارلايدى “ادىرنا” ۇلتتىق پوراتلى.
مالىمەت بويىنشا، قايعىلى وقيعا كەشە سەيفۋللين داڭعىلىندا بولعان.
«ماعان @koza4kov_bot-قا جىبەرىلگەن ۆيدەودا جاياۋ جۇرگىنشىنىڭ ءوزى كولىكتىڭ استىنا ءتۇسىپ كەتكەندەي كورىندى. ەندى قۇقىق قورعاۋ ورگاندارى قانداي شەشىم قابىلدايتىنى وتە قىزىق - اۆتوبۋس جۇرگىزۋشىسى قىلمىستىق جاۋاپكەرشىلىككە تارتىلا ما، الدە قىلمىس قۇرامى بولماعاندىقتان ءىستى توقتاتا ما؟»- دەلىنگەن ۆيدەونىڭ استىنداعى جازبادا.
الماتى قالاسى پوليتسيا دەپارتامەنتىنىڭ ءباسپاسوز قىزمەتى جكو فاكتىسى بويىنشا قىلمىستىق ءىس تەرگەلىپ جاتقانىن ايتتى.
«ءتيىستى ساراپتامالار تاعايىندالدى، ولاردىڭ ناتيجەلەرى بويىنشا قىلمىستىق ءىس بويىنشا پروتسەستىك شەشىم قابىلدانادى. ءىستىڭ ءمان-جايى انىقتالۋدا»، - دەپ حابارلادى پوليتسيا.
