بۇگىن فيلولوگيا عىلىمدارىنىڭ دوكتورى، پروفەسسور، قازاقستان رەسپۋبليكاسى ۇعا اكادەميگى رابيعا ساتىعاليقىزى سىزدىقتىڭ دۇنيەگە كەلگەنىنە 100 جىل تولدى، دەپ حابارلايدى “ادىرنا” ۇلتتىق پورتالى.
ول 1924 جىلعى 17 تامىزدا اقتوبە وبلىسى ويىل اۋىلىندا تۋعان.
رابيعا سىزدىق "اباي قارا سوزدەرىنىڭ نەگىزگى مورفولوگيالىق ەرەكشەلىكتەرى" (1959) تاقىرىبىندا كانديداتتىق، “اباي شىعارمالارىنىڭ ءتىلى” (1972) تاقىرىبىندا دوكتورلىق ديسسەرتاتسيا قورعاعان.
عىلىمي-زەرتتەۋ ەڭبەكتەرى قازاق ادەبي ءتىلىنىڭ تاريحى، ابايدىڭ پوەتيكالىق ءتىلى، قازاق ءتىلىنىڭ پوەتيكاسى، XV – XIX عاسىرلارداعى اقىن-جىراۋلار ءتىلى، ورتاعاسىرلىق جازبا ەسكەرتكىشتەر ءتىلىنىڭ تاريحى مەن لەكسيكا-گرامماتيكالىق قۇرىلىمى، تەكستولوگياسى، تاريحي لەكسيكا، لينگۆوستيليستيكا، ءتىل مادەنيەتى، ورفوگرافيا، جازۋ تەورياسى، احمەتتانۋ، لينگۆوديداكتيكا سالالارىنا ارنالعان.
“قازاق ادەبي ءتىلىنىڭ تاريحى” مونوگرافياسى ءۇشىن ش.ءۋاليحانوۆ اتىنداعى سىيلىعى (1995), ابايدىڭ شىعارمالىق مۇراسىن زەرتتەگەن ەڭبەكتەر توپتاماسى ءۇشىن قر مەملەكەتتىك سىيلىعىن (1996) العان. “قۇرمەت بەلگىسى” (1971), “پاراسات” (2004) وردەندەرىمەن، بىرنەشە مەدالدارمەن ماراپاتتالعان.
رابيعا سىزدىق 2020 جىلعى 4 شىلدەدە الماتى قالاسىندا 96 جاسىنا قاراعان شاعىندا قايتىس بولعان ەدى.
“عىلىمدا ازدى-كوپتى جۇمىس ىستەدىم. سونىڭ بارىنە جەتەلەپ اكەلگەن نامىس” دەگەن اسىل اكادەميكتىڭ ارتىندا قۇندى ءبىلىم، وشپەس مۇرا قالدى.
