تۇركيانىڭ ەسكيشەحير قالاسىندا 18 جاستاعى ادامنىڭ مەشىتكە پىشاق پەن بالتامەن شابۋىل جاساعانى انىقتالدى، دەپ حابارلايدى "ادىرنا" ۇلتتىق پورتالى فەرعانا اگەنتتىگىنە سىلتەپ.
ول قالاداعى مەشىتتەردىڭ بىرىنە باس سۇيەگى بەينەلەنگەن ماسكا جانە ناتسيستىك 3-ءشى سس ء"ولى باس" تانك ديۆيزياسىنىڭ شەۆرونىمەن شابۋىلداپتى.
جەرگىلىكتى باق مالىمەتىنشە، شابۋىل سالدارىنان ءبىر ادام كوز جۇمعان. ودان بولەك، جەتى ادام جاراقاتتانىپتى.
ول، سونداي-اق، ءوزىنىڭ قىلمىستىق ارەكەتىن الەۋمەتتىك جەلىدە تىكەلەي ەفيردە كورسەتكەن.
الدىن الا اقپاراتتا تۇرىك تۇتقىنى اسكەري سيپاتتاعى "كومپيۋتەرلىك ويىنداردىڭ ىقپالىندا بولعانى" ايتىلۋدا.
ەسكە سالا كەتەيىك، 2023 جىلدىڭ 13 اقپان كۇنى پەتروپاۆلدا 9-سىنىپ وقۋشىسى مەكتەپكە بالتا مەن پىشاق اكەلىپ، ءۇش بالانى جاراقاتتاعان بولاتىن. مەكتەپ اكىمشىلىگى بالانىڭ پسيحياتريالىق ەسەپتە تۇراتىنىن مالىمدەگەن.
