بوكستان قازاقستان ايەلدەر كومانداسىنىڭ ۇزدىگى، 50 كەلى سالماقتا پاريج وليمپياداسىنىڭ قولا جۇلدەگەرى نازىم قىزايباي ەلگە ورالدى. بۇل تۋرالى سپورت جانە تۋريزم مينيسترلىگى جازدى، دەپ حابارلايدى “ادىرنا” ۇلتتىق پورتالى.
سپورتشىنى الماتىنىڭ حالىقارالىق اۋەجايىندا تۋعان-تۋىستارى مەن جانكۇيەرلەرى، سونداي-اق باق وكىلدەرى كۇتىپ الدى. فرانتسيادا ەل ابىرويىن اسقاقتاتقان بوكسشىعا قۇرمەت كورسەتىلىپ، كوپشىلىك ىستىق ىقىلاسپەن قارسى الدى.
«جالپى وليمپيادا جاقسى ءوتتى. جاتتىقتىرۋشىلارىم جاقسى دايىنداپ، قولا مەدالعا قول جەتكىزدىك. جەڭىسكە جەتكەنىمدى ەندى سەزىنىپ جاتىرمىن. بارلىق جانكۇيەرلەرگە مىڭ العىس»، - دەدى ول.
